قصــــة حبــــــي الوحيــد ( روعـــــــــــــــــه )

هاااااااي
كيفكم
اليوم جبت لكم قصه رووووووووعه
بنزل لكم الجزء الاول والثاني
(حبــــــــي الـوحيـــــــــد)
[ الجـــــــ الاول ـــــــــزء]
اول شي راح اعرفكم على عائلة ابو سعود<حمد>
_ابوسعود عمره ٤٧ رجل معروف من تجار الرياض طيب حنون كريم بس عيبه انه دائما مشغووول_
_ام سعود<نوره>عمرها ٤٠ مافيه احن من قلبها ابتسامتها ماتفارقها كل همها رضا زوجها وعيالها سعود وجنى وجود _
_ سعود عمره ٢٣ يشتغل مع ابوه فالشركه طبعا بعد الجامعه مملوح لونه حنطي طويل جسمه روعه _
_جنى في ثالث ثنوي ادبي بنت جميله من كل النواحي عيونها واسعه ولونها برونز شعرها يوصل لنص ظهرها ولونه اسود ناعم جسمها خيال_
_جود عمرها١٥ فثالث متوسط
بيضا شعرها بني يوصل لتحت كتفها عيونها بني واسعه فيها غمازتين مملحتها اكثر _
كانت جالسه طفشانه ماتدري وش تسوي وتفكر بالامتحانات مابقى لها الا اسبوع كانت امتحانات الفصل الاول قامت تذاكر شوي
فتح اخوها الباب
سعود:وش تسوين
جنى:مثل ماتشوف اذاكر
سعود :تو الناس
جنى :لاتنسى لازم اجيب نسبه وبعدين مليت من الجلسه
طلع وكان هو الثاني طفشان نزل حصل امه تكلم بالتلفون طلع للحديقه
جلس على كرسي خشب وطلع جواله ودق على صديقه وولد عمه تركي
تركي:هلا والله
سعود:هلافيك كيفك
تركي :تمام انت وش اخبارك
وش فيه صوتك
سعود:طفشااااااااااااااان
تركي:اف لها الدرجه
سعود:واكثر توني راجع من النادي رحت لجنى حصلتها تذاكر
وامي تكلم بالتلفون يعني طفش
تركي: ايه كيفها خالتي
سعود:الحمد لله
تركي:وجنى مشاء الله من الحين تذاكر
سعود:من الطفش والله تلهي نفسها
تركي:الله يعينها
سعود:شكل ماعندك سالفه يلا مع السلامه
سكر بدون ماينتظر رد من تركي
اعرفكم على تركي_ عمره ٢٣ شاب تتمناه اي بنت اخلاق وجماااال وحنون
اسمر طويل جسمه عريض خلص من الجامعه واشتغل فشركة ابوه وعمه_
_ابو تركي<سعد> نفس حالة اخوه بو سعود دائما مشغول و همه الاول والاخير عياله من بعد ماتوفت امهم تركي ورنا و ريان _
اعرفكم على رنا
_عمرها ١٩ اكبر من جنى بس معها فثالث لانهاوقفت سنه بعد ما توفت امها بنت مملوحله شعرها يوصل لنص ظهرها طيبه حساسه ومرحه_
_ريان عمره ١٧ فثاني ثنوي
فيه شبه من تركي يعني مملوح
مرح يحب يسوي مقالب ويستهبل دايم_
سكر تركي من مشاري وراح لرنا كانت جالسه عند التلفزيون
ومعها شيبس جلس عالكنبه الي مقابلتها
تركي:انتي ليه ماتروحين تذاكرين
رنا:باقي اسبوع
تركي:حتى لو وبعدين عندك نسبه والا نسيتي
رنا:لامانسيت وبعدين تروك تكفى لا تضيق صدري ترى مالي خلقك
تركي:اعوذ بالله كل الناس طفشانين انا بروح انام اصرف لي تصبحين على خير
رنا:وانت من اهله
خذت التلفون دقت على بيت خالتها نوره (طبعا نوره اخت امها يعني خالتها ويعتبرونها امهم كانت حنونه عليهم وعادتهم مثل عيالها)
رد سعود
الووه
رنا:مسا الخير
كان ماله نفس يتكلم
سعود:مسا النور من معي
رنا: انا رنا
سعود ابتسم وتغيرت نبرته
هلا والله فيك كيفك
رنا:تمام انت وش اخبارك
سعود:الحمد لله
رنا:جنى عندك
سعود:ايه دقيقه اناديها لك
راح دخل غرفتها وحصلها نايمه
رجع
سعود:رنا
رنا:نعم
سعود:حصلتها نايمه
رنا:اوكيه باي
سعود:باي
سكرت وراحت تنام
اما سعود ابتسم لانه سمع صوتها ونام

الصباح كان يوم السبت
فتحت عيونها وهي تحس بنشاط
عكس امس دخلت الحمام وبعد مالبست وخلصت دقت على رنا
رنا:الوو
جنى:صبااااح الخير ياأحلى رنوو
رنا:صباح النور وش عندك مبسوطه
جنى:مدري فيني نشاط مو طبيعي المهم اليوم بتداومين
رنا:اكيد بداوم اليوم وبكرا وبعدين خلاص لازم نبدا نذاكر
جنى:مممم طيب وش رايك تطلعين اليوم معي وتتغدين عندنا
رنا:اقول انتي اكيد لبستي وانا للحين بكشتي خلاص اشوفك بالمدرسه باي
جنى:باي ياام كشه بس ترى مو بكيفك اليوم بتجين غصب.
وبعد ماسكرو نزلت جنى حصلت امها وابوها يفطرون
جنى: صباح الخير
ابو سعود:صباح النور تعالي افطري
جنى:ان شاالله الا وين جود وسعود
ام سعود: سعود راح الدوام وجود بتغيب الاسبوع كله لازم تذاكر
جنى:ايه هذا وجهي ان ذاكرت
شوي ونزلت جود
جود:صباح الخير
رنا:صباح النور كم كتاب خلصتي
_تقولها بطنازه
جود:وانتي شعليك مني لازم السبت والاحد راحه نفسيه
والباقي مذاكره
ابو سعود:ههههههه اللي يسمعك يقول مضغوطه من ولازم ترتاحين
جنى: يماه السواق طلع
ام سعود:ايه طلع خليه يوصلك ويرجع لي ابيه
جنى:اوكيه مع السلامه

فالمدرسه
جنى طول الوقت فالحصص تسولف وتضحك اما رنا عادي
جنى:رنا خير وش فيك تعبانه؟
رنا:لا بس احس اني مليت يمكن بكرا ما اداوم
جنى:طيب وش رايك تجين تغيرين جو عندنا
رنا:لا خليها يوم الاثنين انتي تجين وتنامين عندنا نذاكر مع بعض
جنى :طيب وش فيك ليش متضايقه
رنا :ما فيني شيء بس ملل
_جنى كانت مستغربه حالة رنا ما تعودت عليها كذا
بس مصيرها بتعرف_



بعد الدوام رجعوا كل واحد لبيته
بعد الغدا الكل نااام
في بيت ابو تركي
كانت رنا فغرفتها حزينه كانت دمعتها بعينها
وهي تناظر صور امهااللي بعد شهر بتكمل خمس سنوات من توفت
ضمت الصوره وجلست على الارض تصيح تحس انها مشتاااااااااااااقه لها مشتاقه لحنانها
جلست تتذكر اول لما يجي وقت الامتحانات كل دقيقه تطل عليها
تشوف اذا محتاجه شي انسدحت وهي تدعي لامها
بالرحمه وانها تشوفها فالجنه
حست بضيقه وطلعت من غرفتها نزلت للحديقه
طلعت جلست على كرسي ومعها الصوره تناظر السماء
وهي غارقه بافكارها وسارحه ودموعها ماجفت
-غريبه ما نمتي
التفتت لصوت اخوها تركي وقالت وصوتها تعبان
رنا:ما جاني نوم
تركي حس ان فيها شيء قرب منها
تركي:رنا فيك شي
رنا :لا
تركي :لا فيك انا ملاحظ انك متغيره من فتره
رنا:لا تركي ما فيني شيء بس شايله هم الامتحانات
تغير صوتها للحزن
قرب منها تركي ولفها لوجهه شاف دموعها وقال لها بحنيه
تركي:طيب ليش الدموع بعيونك
رنا معد تحملت اكثر قالت له وعيونها بدت تتفجر دموع
رنا:تركي انت عارف انه بعد شهر بيصير لامي خمس سنين من توفت
ضمها لصدره بكل حنان وهو يقول
تركي:رنا حبيبتي لاتضيقين صدرك ادعي لها بالرحمه
وبعدين ابوي وخالتي نوره مو مقصرين
رنا بصوت كله مبحوح:بس اشتقت لها
تركي:كلنا مشتاقين بس نصبر وندعي اننا نشوفها بالجنه ان شاء الله
بعدها عنه وقال لها
تركي:روحي نامي ولاتفكرين كثير عندك امتحانات لازم تستعدين
رنا:ان شاء الله
راحت وهو جلس بعدها متضايق على حال اخته
لازم يطلعها من اللي اهي فيه جلس يفكر شلون جا فباله انه يكلم سعود ويقول له عن اللي فكرفيه دق عليه
سعود رد وهو مايدري عن نفسه كان نايم
رد بس كان ساكت
تركي:الوووووه
سعود:همممم
تركي:سعود قوم خلاص يكفي نوم
سعود:طيب شوي
تركي:سعود
سعود:-----
تركي:سعوووود
سعود:-----
تركي:طيب والله لاخليك تصحى غصب
سكر منه ودق على تلفون البيت
ردت جود
الوووو
تركي:مسا الخير
جود:مسا النور
تركي:كيفك جود
جود:بخير انت كيف حالك
تركي:الحمد لله جود عندك خالتي
جود :ايه لحظه
نادت امها
ام سعود:هلاوالله بولدي تركي
تركي:هلافيك خالتي شخبارك
ام سعود:بخير الله يسلمك
انت وش اخبارك وشلون رنا وريان
تركي:والله كلنا بخير الحمد لله
بس خالتي الله يعافيك تصحين سعود عندنا شغل ضروري
ولاصحى
ام سعود:الله يصلحه خلاص حبيبي الحين بصحيه اخليه يكلمك
تركي:مشكوره خالتي مع السلامه
سكر وهو يضحك على سعود لانه عارف خالته بتقوم الدنيا عليه لين يصحى
وفعلا ماخلته لين صحى
بعد ماصحى نزل بيطلع قابلته امه
_على وين
سعود:بروح لتروك اللي مزعجني اشوف وش عنده
ام سعود :ايه خلك رجال مثله مهتم فشغله
سعود وهو يطلع:وانتي مصدقته كل هذا عشان يصحيني
بس انا اوريه
طلع وراح لبيت ابو تركي
فتحت له الخدامه جلس فالصاله دق على تركي
تركي:هلا والله
سعود:هلا فيك وينك انا فبيتكم
تركي:انا طالع والحين فالطريق راجع شوي وانا عندك
سعود:مزعجني وبالاخير تسفهني
تركي:وش اسوي فيك نومك كثير مافيه الا اني ازعجك بس شوي وانا عندك لاتطلع
سعود:الله يصبرني عليك
سكر منه وجلس يدور فالقنوات يلهي نفسه لين يجي تركي
اما فغرفة رنا كانت تقرى مجله بعد ماهدت شوي واللي هون عليها كلام اخوها
ملت ونزلت للصاله لقت واحد معطيها ظهره لابس بنطلون جنز
وقميص اسود
توقعته تركي نزلت وراحت وراه
وقالت له
رنا:غريبه ما طلعت
التفت لها وهو مبتسم
اما هي انحرجت لما شافت سعود صحيح هم مايتغطون بس اذا كانوا الشباب موجودين يلبسون لبس ساتر
راحت تركض دخلت المطبخ
وهي شوي وتموت شافت نفسها ولبسها وشعرها ماكان مرتب
كانت لابسه قميص قصير لونه
سماوي
ياربيه وش جابه الحين وبعدين
تركي طالع لا وبعد يبتسم
بس هين لك ياتروك ليش ماقال لي
شوي وجا تركي دخل سلم على سعود
سعود:وش عندك مقلقني مخرب علي نومي
تركي:ابد بس طفشان
سعود:لاوالله
تركي:ههههههههه
وش فيك عصبت علي
بس عندي اقتراح بقوله لك
سعود:وش اقتراحك
تركي:بصراحه انا من كم يوم ملاحظ ان رنا متضايقه
سعود من سمع اسم رنا تعدل وبان عليه الاهتمام
سعود:خير وش فيها عسى ماشر
تركي:اليوم طلعت الحديقه ولقيتها تصيح سألتها قالت لي انه بعد شهر بتكمل امي خمس سنوات من توفت وانها مشتاقه لها
سعود:ايوه
تركي:انا فكرت اني احاول اطلعها من اللي هي فيه قلت بعد امتحاناتهم نسافر
منها تغير جو وتنسى ومنها نوسع صدورنا والا ماميلت من الشغل وش رايك
سعود:بس ما اتوقع عمي وابوي يوافقون انت عارف كيف الشغل هالايام كثير
تركي:انا ورنا وريان نحاول فابوي وانتو فعمي
واكيد بيوافقون
سعود:اوكيه
بعد ماطلع سعود
دقت جنى على بيت عمها لانها متضايقه من حالة رنا بالمدرسه
رد تركي
الووو

رد تركي
الووو
جنى:مسا الخير
تركي:هلاوالله مسا النور
جنى:كيفك تركي
تركي:بخير الحمد لله انتي وش اخبارك وش اخبار المذاكره معك
جنى:الحمد لله ماشيه بس للحين مابديت جد
تركي:الله يوفقك ياليت رنا تبدا تذاكر مثلك عشان ترتاح انا عارفها اذا جا اليوم اللي قبل الامتحان بدت تذاكر
_جنى لقتهى فرصه تسأل عنها يمكن اهو يعرف وش فيها وحبت تطول معه شوي_
جنى:الا وشفيها اليوم بالمدرسه كانت متضايقه
تركي:لابس تعرفينها تتدلع
جنى:بس كان شكلها صدق متضايقه
تركي تنهد وقال: عشان امي بعد شهر بتكمل خمس سنوات
جنى:الله يرحمها طيب ممكن اكلمها
تركي:اتوقع انها للحين نايمه
_طبعا اهو ما يدري انها ما نامت اصلا_
جنى:اوكيه باي
تركي:مع السلامه
سكرت وهي مبسوطه لانها سمعت صوته شوي وضحكت على نفسها اصلا هو مايدري عني وكل كلامه معي عادي
تنهدت وقامت وهي تطلع بالدرج دخل سعود
سعود:جنى تعالي
التفتت له ونزلت
سعود:ابيك فالحديقه
طلع اهو وياها
وقال لها عن اقتراح تركي وانبسطت لانها من زمان ودها تسافر
وبنفس الوقت فرحانه لانها بتكون قريبه من تركي
جنى:طيب وين
سعود:اول شي يوافقون ونفكر وين
جنى:ماعليك ابوي بيوافق اما عمي خلوه على رنوو
سعود:شمعنى رنا اللي تقدر تقنعه
جنى:دمعتين منها ويوافق لانه يحبها ولا يحب يزعلها
_سعود فنفسه ما الومه والله_
قام سعود لغرفته وقال لجنى انه اذا جا ابوه تناديه
فبيت ابو تركي
طبعا تركي قال لريان ريان طار من الفرح مبسوط
ريان :طيب وين
تركي:مدري انا ودي بدبي وش رايك
ريان:ايه والله ياليت نغير جو من بدت الدراسه واحنا طفش فطفش روتين ملينا
تركي:وين رنا؟
ريان:فغرفتها
تركي:نايمه؟
ريان :مااتوقع
راح تركي لغرفتها طق الباب ودخل لقاها جالسه على الارض وحولها حوسة كتب ودفاتر و ملخصات
ابتسم على شكلها
تركي:واخيرا بتبدين تذاكري
رفعت راسها وهي مبتسمه:حمستني جنى
تركي:وش عندكم اول يوم
رنا:علم اجتماع
دخل تركي وجلس على كرسي التسريحه
تركي:شدي حيلك هذي اخر سنه
رنا:الله يعين
تركي:سعود كان عندنا
سوت نفسها ما تدري انه كان فيه
رنا:وش عنده
تركي:انا اللي عندي وناديته
رنا:وانت وش عندك
تركي:ودي نسافر فالاجازه
رنا:وناسه ياليت والله نغير جو
تركي:قلت له اهو خواته عليهم عمي يقنعونه واحنا ابوي
رنا:طيب ليش عادي اجازه ماراح يقولون شي
تركي:اجازه عندكم انتم بس انا وسعود لا
رنا: لا ان شا الله يوافقون
تركي:الا وش رايك نروح نتعشى برا
رنا:ماعندي مانع
تركي: يله تجهزي وانا بقول لريان وبكلم سعود
رنا :وانا بكلم جنى
دقت رنا على جنى
وردت وهي مبسوطه
الووو
رنا :مسا الخير
جنى:مسا النور اشوف الصوت متغير ان شا الله الحين احسن
رنا: الحمد لله قال لك سعود عن السفره
جنى:ايه قال والله بتصير وناسه
رنا: ايه والله
جنى:بس وين
رنا:ماقال شي تركي الا صح نسيت وش رايك نروح نتعشى برى تركي قال لي اتجهز الحين يعني مافيه مجال تفكرين خلاص تجهزي
جنى:اوكيه متى بتطلعون
رنا:تركي بيكلم سعود
ويقوله بس انتي تجهزي الحين لانك اذا طلعنا من المطعم بتجين عندنا
جنى: احلفي بس نسيتي الامتحانات
رنا:لاوالله مو انتي اليوم الصباح قايله لي اجيكم خلاص وش الفرق عندنا والا عندكم
جنى:طيب بقول لامي
رنا :باااااي
جنى: باي
راحت جنى بتقول لامها قابلها سعود وقال لها انه قال لامه رجعت لبست ونزلت
اتفقوا وراحو للمطعم
خذوا طاوله بست كراسي
جلس ريان جنب جود
وسعود وجنى مقابلين رنا وتركي
جود:كيفك ريان
ريان ابتسم لها:بخير انتي وش اخبارك من زمان عنك يالقاطعه
جود:انا والا انت رنا تجينا وتركي يجينا وانت ماتجي يعني من القاطع فينا انا والا انت
ريان :ممم ادري بس والله الدراسه تلهي وبذات بعد ماصار فيه معدل تراكمي
جود:طيب وش رايكم وين نسافر
تركي:انا ودي بدبي
جنى:ايه والله وانا من رياك
سعود:وانتي رنا وش رايك
رنا:عادي اي شي اهم شي نطلع من الرياض
تركي:انا من بكرا وانا بقول لابوي ولو رفض نروح احنا بس وخالتي اذاتبي
سعود:ما اتوقع امي تروح وتخلي ابوي
رنا:ههههههه ياحليلها خالتي
ابتسم لها سعود وطول الوقت عيونه عليها وهي المسكينه منحرجه
هو ميت عليها اما هي مجرد اعجاب فيه وفشخصيته واحيانا تستغرب حركاته ونظراته
يعني عكس جنى اللي تحب تركي اما هو مايدري عن شي
بعد ماطلعو اصرت رنا على جنى انها تنام عندهم
فبيت ابو تركي فغرفة رنا فاتحه الدولاب وتطلع بجامه تصلح لجنى طلعت لها وحده اكمامها طويله لونها ابيض وفيها تحت الصدر شريطه وردي طلع شكلها بها مره كيوت
كان شعرها مفكوك ومموج
كانت الساعه ١٢ نزلت تدور رنا
وهي بالدرج شافت تركي انحرجت توها بترقى التفت لها شافها خلاص ما تقدر تنحاش
تركي:للحين ما نمتوا
جنى:لا كنت بنام بس نزلت ادور رنا
تركي:فالمطبخ
جنى راحت للمطبخ
جنى:وش تسوين ما تعشيتي خلاص تعالي فوق ننام
رنا:مافيه نوم
جنى:مو على كيفك انا تعبانه
رنا:لا بنسهر مع تروك شوي وبنرقى نشوف لنا فلم
سحبتها وطلعو للصاله
كان تركي جالس جلسوا معه
حط تركي برنامج يتكلم عن الحب طبعا بدون قصد منه
رنا:اقول حط فلم او اي شي
ثاني
تركي:شوى ويخلص البرنامج
اصبري
جنى كانت تسمع للبرنامح لانهم كانوا يتكلمون عن الحب من طرف واحد
رنا:يوووه جنى تبين البرنامج والا فلم
جنى:لا ابي البرنامج حلو الموضوع اللي يحكون فيه
رنا:وش الموضوع اللي يحكون فيه؟_تقولها بطنازه_
جنى: عن الحب من طرف واحد
رنا:معروف هالموضوع نهايت هالحب فاشل خلاص
_اختفت ابتسامة جنى لما قالت رنا فاشل_
جنى:لامو فاشل يعني اذا عرف الطرف الثاني يمكن يحبها
_تدخل تركي وقال:بس مو شرط يكون ما يدري
يمكن يكون يدري ولا يحبها
_تركي ما كان يقصد لانه اساسا مايدري عنها بس جنى تضايقت
وخنقتها العبره حست انه يقصدها_
جنى :خلاص رنا انا ابي انام تعالي نرقى
رنا:والبرنامج ماتبينه
جنى:لا ما أبيه_قالتها وهي معصبه_
تركي استغرب بس ماعلق
رنا:يله تصبح على خير تركي
تركي:وانتي من اهله
جنى رقت بدون ماتقول شي
فالصباح صحت رنا ونزلت
ما لقت احد سألت الخدامه
رنا:ستي وين بابا وتركي
ستي:خلاص فطور بعدين روه شغل
رنا:طيب ريان
ستي:نايم
رنا:جهزي فطور لي انا وجنى بالحديقه
ستي:اوكيه
رقت تصحي جنى
دخلت الغرفه وولعت النور وطفت المكيف وسحبت المخده من تحت راس جنى
جنى فتحت معصبه:تستهبلين انتي
رنا:لا ما استهبل بس خلاص كافي نوم
جنى:اذا انتي شبعتي نوم انا لا
رنا:شوفي اذا جهز الفطور بتصحين غصب
_سفهتها جنى ورجعة تنام_


فبيت ابو سعود
رن التلفون
ردت جود
الووو
_السلام عليكم
جود:وعليكم السلام
_انتي جنى والا جود
جود:انا جود من معي
_ماعرفتيني اناعمتك موضي
_هذي عمتهم موضي ساكنه بالشرقيه عشان شغل زوجها
عندها نواف عمره ٢٥ وساره عمرها ١٨ وحسام عمره ١٥
وعمتهم طيبه وعلى نياتها اهي اصغر من بوتركي وبو سعود_
جود:هلا والله عمتي كيفك
ام نواف:هلا فيك حبيبتي انا الحمدلله بخير انتو وش اخباركم
جود:بخير الله يسلمك
ام نواف:وين ابوك
جود:بالشركه
ام نواف:وامك عندك
جود:ايه لحظه اناديها
جت ام سعود
ام سعود:هلا وغلا بام نواف
ام نواف:هلا فيك وش اخباركم وش اخبار اخوي والعيال
ام سعود:والله كلنا بخير ما ناقصنا الا شوفتكم
ام نواف:ايه ان شا الله بنجي عندكم
ام سعود:هذي الساعه المباركه
بس ماقلتي لي متى
ام نواف: بالاجازه ان شا الله
ام سعود: الله يحيكم والله
ام نواف:كيف حال عيال اخوي سعد
ام سعود:بخير الحمد لله كلهم طيبين
ام نواف:اجل ما اطول عليك سلميني على اخوي اذا جا
ام سعود:يوصل

على الغدى ام سعود قالت لبو سعود
راحت جود دقت على بيت عمها عشان تقول لاختها رد ريان
الووو
جود:السلام عليكم
ريان:وعليكم السلام
جود:كيفك ريان
ريان:تمام الحمد لله انتي وش اخبارك
جود:بخير ريان عندك جنى
ريان:لا والله فوق بس عندي تركي ما تبينه
جود:وش ابيه فيه روح نادها بسرعه
ريان:لحظه
نزل السماعه وقعد ينادي
لين جت وهي فوق بس تطل من الدرج
جنى:وش تبي
ريان:ساعه تعالي كلمي اختك
جنى نزلت وخذت السماعه
الووو
جود:بدري ليش تأخرتي
جنى:كنت فوق وش عندك
جود:عندي خبر شين
جنى:خير انتي اصلا ما عندك الا الاخبار الشينه
_نزلت رنا وجلست قدام تركي_
جود:عمتي موضي بتجي فالاجازه
جنى:لاعاد احلفي
جود :والله كلمت امي الصباح
جنى:كلهم بيجون
جود:اكيد الا ابوهم عشان شغله
جنى :طيب يله انقلعي ياليتني مارديت عليك
جود:احمدي ربك قلت لك بس ماتستاهلين
_وسكرت فوجهها جلست جنى على الكنبه جنب ريان_
رنا:وش عندها جود
جنى:بتجي عمتي موضي
_كشر تركي:اوووف
ريان:وش فيها اذا جت
تركي:اولا مافيه سفره لدبي ثانيا انا ما ادري ليه ما احب نواف
رنا:حرام عليك والله طيب
ليش تكرهه
تركي:ما اكرهه بس علاقتي معه سطحيه يعني مااخذ راحتي معه
جنى:احنا وش علينا منهم ليش ما نسافر
تركي:ابوي ما راح يرضى
رنا:طيب مو حنا قلنا نروح بدونهم خلاص اذا جو يروحون معنا
تركي:مدري ان شاالله بيوافقون
رنا:متى بتقهلون لهم
ريان:انا اقول رنا هي اللي تقول لابوي
تركي:ليه شمعنى
ريان:احس انها بتقدر تقنعه
التفت تركي لجنى:وانتي ياجنى تقولين لعمي
جنى:طيب
_كانت متضايقه من كلامه امس تحسه كان يقصدها _
جنى:رنا بروح لبيتنا المغرب
ريان:غريبه بالعاده سبوع
تركي:بس لاتنسى عندهم امتحانات
_جنى توقعت انه ما يبيها تجلس عندهم_
جنى:حتى لو ماكان امتحانات بروح
رنا:ريانووه وش دخلك ان شاالله سنه
ريان:ماقلت شي بس ليش ماجت معها جود توسع صدري
_قامت جنى رقت فوق ولحقتها رنا_
رنا:وش فيك جنوو
جنى:مافيني شي بس انتي عارفه الامتحانات جايه وضايق صدري
رنا:بس كذا؟
جنى:ايه
رنا:اكيد؟
جنى:اكيد



يتبع

--------------------------------------------------------------------------------

[الجزء الثاني]
بدت ايام الامتحانات والكل مشغول فالمذاكره
وطبعا اقنعوا اهلهم انهم يسافرون وام سعود وام نواف بيقعدون لان ام سعود ماتبي تروح وزوجها لا
واليوم اخر يوم امتحانات
بالمدرسه
طلعت رنا من القاعه مبسوطه قابلت جنى
رنا:هاه ان شا الله حليتي
جنى:ايه سهل
رنا:مااصدق واخيرا خلصنا وبتبدا الاجازه
جنى:بكرا بتجي عمتي
وبعد بكرا بنسافر وناسه
كشرت رنا:بتجي ساره
جنى:اكيد
رنا:مدري ليه شايفه نفسها
جنى:بكيفها تشوف نفسها
رنا:والله ترفع ضغطي
جنى:ماعليك منها اهم شي نوسع صدورنا
رنا:طيب اليوم بجيكم وبنام عندكم
جنى:خلاص اجل تطلعين معي الحين
رنا:اوكيه

فبيت بوسعود عالغدا
محد مبسوط كثر سعود لان رنا عندهم بس اللي مضايقه تجاهلها
جنى:يبه اي وقت بتجي عمتي
بو سعود:عالمغرب ان شاء الله
جنى:طيب وش رايكم اذا جو نروح المزرعه
بوسعود:لا توهم جايين تعبانين على طول للمزرعه
ام سعود:كلمت بو تركي بكرا يجي
بو سعود:ايه هو وريان وتركي
_جنى التفتت على رنا اللي كانت ساكته:خير رنوو وش فيك ساكته
رنا بصوت واطي:مافيه شي اقوله
_كانت رنا ساكته لانها منحرجه من نظرات سعود اللي ماوخرت عنها_
بعد الغدا الكل نام
المغرب
كان بو سعود وام سعود يتقهون بالصاله
شوي وجا سعود ونزلت جنى ورنا جلسو
طبعا جنى ماسكتت سوالف على طول
سعود:رنا
رنا:نعم
سعود:تركي بالعاده الحين صاحي والا نايم
رنا:لاصاحي
_ما كان يدري وش يسوي يبي يجلس جنبها عشان يقولها شي
كان التلفون جنبها قام متجهه للتلفون خافت خير وش يبي ذا تحسبه جاي لها جلس جنبها وخذ التلفون كان يفصل بينها وبينه مخدات
هي انحرجت والتفت عنه
سعود:رنا
رنا:هلا
وهو ماسك التلفون :صح اخر رقم تركي خمسه خمسه
رنا:ايه
شوي وقامت فوق
عصب من حركتها وصمم انه يصارحها لانه مل من حبه لها اللي من طرف واحد
وبدال مايدق رقم تركي دق رقمها بس للاسف رن جنبه لانها رقت بدون جوالها
رقى وراها فوق حصلها بالصاله اللي فوق
سعود:ليش جالسه لحالك
رنا:همممم
سعود:اقول ليش جالسه لحالك
رنا:لا ب بس كذا
سعود راح لغرفته وسكر الباب
كان يفكر ياالله ليش كل ما جيت اقول لها ما اقدر
ليش تتجاهلني مو معقوله مو واضح حبي لها طيب ما تسأل نفسها ليه يهتم فيني ليه يناظرني
دايم اتوقع كل اهلي يدرون من تصرفاتي معها بس هي معقوله ماحست

دق على تركي
الووو
سعود:مسا الخير
تركي:مسا النور
سعود:كيفك
تركي:بخير بس انت وش فيه صوتك
سعود:مافيه شي
تركي:طيب تعال عندي مليت
سعود: الا انت اللي تعال
تركي:اوكيه شوي وانا عندكم
يالله باي
سعود:مع السلامه

رقت جنى وحصلت رنا بالصاله لحالها
جنى:ليش جالسه لحالك
رنا تصرف:مممم ادور جوالي
جنى:جوالك تحت
رنا:ايه صح نسيته
_طلع سعود عشان صلاة العشا
شافهم ماتكلم مر من عندهم ونزل استغربت رنا انه ما ناظرها_
جنى:تعالي تحت مخليتني جالسه لحالي تحت
رنا:يله انا بس رقيت ادور جوالي

بعد صلاة العشا راح بو سعود اما سعود وهو راجع قابل تركي
ودخل هو وياه
كانت جنى ورنا بالصاله معهم الاب توب و يسولفون عن ازياء جديده
دخل تركي وسعود:السلام عليكم
البنات: وعليكم السلام
رنا:تروك وش جابك
تركي:ليه ماتبيني اجي؟
رنا:لا عادي بس ريان جلس لحاله
تركي:لاجبته معي بس مادخل لانه شاف جود بالحديقه وجلس معها
_التفت لجنى:كيفك جنى
جنى:تمام
رنا :تركي متى بنمشي لدبي
تركي:ايه صح سعود لقيت حجز
سعود التفت لرنا :ايه بعد بكرا الساعه ٢ بالليل
جنى:رنووو تعالي معي اجهز شنطتي
تركي:من الحين؟
جنى:ايه بكرا بننشغل مع عمتي
رنا:تركي بروح اساعد جنى بعدين ابيك توديني للبيت انا وياها
عشان اجهز اغراضي
تركي:اوامر ثانيه عمتي
رنا:لا مشكور
_رقو اما سعود وتركي جلسو تحت ودخلو عليهم ريان وجود يضحكون ويسولفون
تركي:هههههه والله لايقين على بعض
سعود:ريان ترى ما ارضى تقعد مع اختي وتمون بزياده تبيها اخطبها
ريان التفت على جود:هاه وش رايك موافقه علي
جود:نعم نعم هذا اللي ناقص لو مابقى الا انت ما تزوجتك لاتصدق نفسك
ريان:انتي هي ماخذه مقلب فنفسك من زينك انتي ووجهك
جود:قد كلامك ياريان
ريان:اناما اقول شي الا وانا قده
جود:طيب ريانووه دور لك احد يجلس معك
ريان:عادي بكرا بيجي حسام
قامت وهي معصبه:خل حسام ينفعك بس لاتجيني اذا راح
_رقت فوق_
تركي وسعود:هههههههههههه
ريان:فيه شي يضحك
سعود:انتو والله اشكالكم تحفه
_عدا اليوم عادي الكل نام جاء الصباح_
صحت جنى شافت الساعه ٢ ونص
جنى:اووف
التفتت على رنا اللي شعرها مغطي وجهها وشكلها حوسه
جنى:رنا رنا
رنا:همممم
جنى:يله اصحي يله الساعه ٢ونص
رنا:طيب شوي
جنى:اذا طلعت من الحمام بصحيك
رنا:-----
صحوا ونزلو تغدوا قبل المغرب
رنا وجنا يلبسون
رنا معها بلوزه سودا فيها فضي
:جنى شوفي البس هذي
جنى:ايه حلوه
جنى لبست بنطلون جنز وبلوزه بيضا فكت شعرها وسوته كيرلي
حطت غلوس وكحل
طلع شكلها ناعم
اما رنا لبست بنطلون جنز وبلوزه سودا فيها فضي
استشورت شعرها وحطت غلوس وكحل
نزلوا قابلهم سعود:ما شا الله خلصتو
جنى:ايه خلاص شوي ويجون
_ناظر رنا نظرات خلتها تنزل عينها وقال:ملاك
جنى:من الملاك
سعود:انتي ليش فيه غيرك
جنى:عارفه مايحتاج تقول
_هو كان قاصد رنا بس رقعها لما سمعت جنى ورنا فهمت قصده_
رنافنفسها:ليش يناظرني كذا وليش يتصرف معي كذا معقوله يحبني. .. لالا ما اتوقع

جت عمتهم دخلت هي وساره وحسام واخر واحد دخل نواف
راحت جود تركض لرنا وجنى
جود:تعالوا يله جو
رنا:يله الحين بنجي
راحوا وراها سلمو عليهم كلهم ماعدا نواف سلموا عليه من بعيد
ام نواف:ماشا الله تغيرتوا واحلويتو
جود ورنا:الله يسلمك عيونك الحلوه
جنى:كيفك ساره مع الدراسه
ساره:ماشيه اللي مهون علي انها اخر سنه
رنا:ليش ماراح تدخلين الجامعه
ساره:الا بس بوقف سنه بعدين بدخل
اما فجهه ثانيه عند الشباب
تركي:نواف ترى الرحله بكرا الساعه ٢ ونص
نواف:ومتى نرجع
تركي:مدري على حسب
التفت نواف لساره:ساره
ساره:هلا
نواف كان يكلمها بس انه يناظر جنى:انتي عارفه بكره بنمشي الساعه ٢ونص
ساره:والله ماجهزت شي
نواف:قبل ماتنامين جهزي
_جنى عشان تهرب من نظرات نواف اللي ملاحظها تركي
واذا اللي اربكها
جنى:سارونه تعالي من الحين نجهز
ساره:يله تحمست
قامو البنات بس عيون نواف ما نزلت عنها
عصب تركي وحب يلهيه عشان يبعد عيونه
تركي:نواف
نواف وعيونه عليها وهي ترقى الدرج:هلا
تركي:وش رايك تروح تجهز معهم
نواف التفت عليه:وش قصدك
_تركي ماحب يقلب السالفه جد وابتسم وهو يقول:مدري عنك كل هذا حرص على اختك عيونك مانزلت عنها_طبعا هو عارف انه يناظر جنى بس حب يرقع_
نواف حس ان تركي فاهم:لا بس كنت اهوجس
سعود:وش رايكم نطلع لين يحطون العشا
تركي:يله
طلعوا راحو كفي

دقت ام سعود على سعود
رد:الوو
ام سعود:سعود وينكم
سعود:جايين فالطريق
ام سعود:ايه تعالوا ماراح نتعشى الا لما تجون
سعود:ان شاالله
بعد خمس دقايق جو
على طاولة العشا الكل موجود حتى بو سعود وبو تركي
كان نواف مقابل جنى وتركي بعيد شوي عنهم
طبعا نواف مانزل عيونه عن جنى لانه من زمان وهو حاطها فباله
تركي كان ملاحظ هالنظرات وما يدري ليش يعصب اذا شاف هالوضع اما جنى الثانيه مرتبكه لان تركي باين عليه انه ملاحظ وخايفه لا يشك ان بينهم شي

فالصباح
ام سعود وام نواف تحت يتقهون
اما البنات نايمين
حتى على الغدا ما نزلو لانهم كانو سهرانين
بعد العشا كانت جنى ورنا وساره فالغرفه يسولفون
رنا:ودي اروح السوق ناقصني اغراض
ساره:حتى انا والله ودي
جنى :بكلم سعود يودينا
دقت على سعود
هلا والله
جنى:هلافيك
سعود:وش بغيتي اكيد تبين شي
جنى:ما شاالله عليك فاهمني
سعود:هاه وشتبين
جنى:تكفى ودي انا والبنات نروح السوق
سعود:طيب انزلوا انا تحت
جنى:ثواني بس وانا عندك
سكرت منه ولبسوا عباياتهم
ونزلو تحت
جنى:سعود يله
سعود:بهالسرعه
جنى:ايه لازم نخلص بدري
سعود:يله
راحوا وشروا اغراضهم اللي يحتاجونها وزياده
دقت جنى على سعود
الووو
جنى:سعود خلصنا يله تعال
سعود:سواقك انا
جنى:سعود بليز عشان اذكرها فالتاريخ
سعود:والسواق وينه
جنى:مع امي وعمتي
سعود:طيب نص ساعه وانا عندكم
جنى:اووف ليش نص ساعه
سعود:انا ونواف رايحين نخلص اغراضنا شوي ونجي
جنى:يعني بتجي انت ونواف
سعود:ايه
جنى:طيب لاتتأخر
سعود:نص ساعه
جنى:مع السلامه
سكرت وهي متضايقه لان نواف معه واكيد ماراح يخليها فحالها بيضايقها بنظراته
تقول فنفسها ياليت هالنظرات من تركي اللي مو حاس فيني ومعذبني معه
قطعت عليها رنا افكارها:هاه شقال بيجي
جنى:ايه بس بعد نص ساعه
ساره:مين سعود
جنى:ايه
ابتسمت ساره :طيب خله ياخذ راحته واحنا ندور شوي لما يجي
_راحو البنات يدورون لما دق سعود وقال لهم يطلعون
قبل مايطلعون جنى كانت متلثمه
فكت اللثمه وتغطت بالطرحه عشان ترتاح من نظرات نواف
ركبوا صارت هي ورى نواف
سعود:هاه خلصتو كل شي
جنى:ايه
سعود:وانتي رنا خلصتي ماتحتاجين شي؟
رنا:لا خلصت
_ساره عصبت لان سعود ما سألها_
نواف لف بالمرايه على جنى
انتبهت كانت الحركه باينه الغبي بيفهم بس سعود ما انتبه لانه مشغول كان يسوق اما ساره كانت متنرفزه من حركة سعود اللي ما كان يقصدها بس رنا انتبهت اصلا هي ملاحظه من زمان نواف جريء مايهمه لو انتبهوا عشان كذا رنا لاحظت
طلعت جنى جوالها وفتحته وسوت نفسها منشغله فيه
وكانها مالاحظت

وصلوا نزلوا شنطهم لان الساعه صارت ١٢ ولازم يروحون المطار
ساره كانت لابسه برموده جنز
وتيشرت اصفر
ساره:حسام
حسام:هلا
ساره:نزلت اغراضك
حسام:ايه
ساره تكلم جود :وانتي جود طلعتيها
جود:خلاص ريان طلع اغراضي واغراضه
_ساره سألتهم مو اهتمام فيهم بس لان سعود كان جالس عندهم وحبت تتميلح عنده_
ساره بدلع:سعود متى بنروح للمطار
رد عليها بدون اهتمام وعينه فالجوال:اذا جا تركي
ساره:ومتى بيجي
سعود:الحين هو جاي فالطريق
ساره:يعني نلبس عباياتنا
سعود:ايه
_عصبت لان كل الكلام كان يقوله وعيونه فالجوال_
شوي وجا تركي وانقسموا في سيارتين اللي مع تركي ريان ورنا وجنى ركبت معه عشان ما تكون مع نواف
واللي مع سعود نواف وحسام وساره وجود
وطبعا فالطريق للمطار فتشت ساره لانها مع سعود
وصلوا للمطار جاموعد رحلتهم
ركبو الطياره
رنا وجنى وساره جنب بعض
وجود وحسام وريان جنب بعض
ونواف وتركي وسعود جنب بعض
ساره نامت
استغلت الفرصه رنا
رنا:جنى
جنى:هلا
رنا:مو ملاحظه شي
جنى:مثل ايش
رنا:اي شي
جنى:لا
رنا:يعني مو ملاحظه شي على نواف
جنى:وش فيه
رنا:نظراته لك
جنى:ايه والله مايخليني ارتاح فالمكان اللي نجتمع فيه
رنا: مو صاحي ماهمه احد
جنى:وش اسوي
رنا:لاتسوين شي
جنى:طيب وش يبي طفشني
رنا بخبث:يمكن يحبك
جنى:رنا لا تستهبلين
رنا:طيب لو صار يحبك
جنى:اناما احبه هو مثل سعود اخوي
رنا:طيب عندي لك راي
جنى:قولي
رنا:حاولي انك تتجاهلينه وتطنشينه ولاتحتكين فيه كثير
جنى:ومن قال لك اني معطيته وجه
رنا:عارفه بس فدبي بنصر ٢٤ ساعه مع بعض
جنى:الله يعيني عليه
وصلوا نزلو من الطياره وهم بمطار دبي
نواف :الحمد لله على السلام
تركي وسعود وحسام:الله يسلمك
خذو تكسي وراحو للفندق
كانو حاجزين سويت للشباب وسويت للبنات جنب بعض
دخلو شنطهم
وكل واحد راح لسويته
كان الصباح
ساره:يله بنات ماراح تنامون
رنا:اول بفطر جوعانه
ساره:وانتي جنى
جنى:لا ما اقدر دايخه بنام
رنا:لا افطر لحالي
جود:مامليت عينك
رنا:فديتك انتي تعالي ننزل تحت نفطر وهم بكيفهم

بسويت الشباب
تركي:بتنامون والا بتفطرون
نواف:لا بنام تعبان من السفر
تركي:حتى انا
سعود:انا بفطر بعدين بنام
ريان:سعود بفطر معك تجي معي حسام
حسام:فاضي لك انا لاحق على الاكل
نزل سعود وريان يطلبون فطور
سعود شاف رنا وجود
راح لهم وجلس على نفس الطاوله وهو مبتسم
سعود:وين الباقي
رنا:ناموا
سعود:وانتو ليش مانمتوا
جود:مثلك نبي نفطر
شوي وجا ريان معه فطوره وفطور سعود
سعود كان مبسوط انه مع رنا لحالهم ولا خاف ان رنا تتضايق لان من المفروض انه مايخليهم لحالهم اما جود وريان كانوا متحمسين بسوالفهم
سعود وهو يناظرها نظرات لها معاني كثيره:وين ودك اليوم نطلع
رنا مو قادره تفسر نظراته:مدري اي شي اهم شي ما نضيع ولادقيقه
سعود:ههههههه
رنا:ليش تضحك؟!!!
سعود:شكلك متحمسه
رنا:اكيد مليت من الرياض
سعود:بس ماشاالله عليك انتي وجنى ماخليتو مكان الا ورحتو له فالرياض
رنا:عشان كذا مليت
سعود يناظرها نظرات كلها حب مع ابتسامه عذبه
رنا عشان تهرب من الوضع لانها تنحرج من سعود ماتدري ليه
رنا:هاه جود خلصتي
جود:ايه من زمان
سعود:رنا ماكملتي فطورك
رنا:لا الحمد لله شبعت
سعود: بترقون
رنا:ايه خلاص ابي انام
_سعود فنفسه نوم العوافي_
طلعو فوق وناموا جت الساعه
٣ العصر والكل نايم
فتح عيونه ناظر المكان اللي هو فيه مو فغرفته بعدين استوعب انه فدبي
شاف الساعه ٣ العصر التفت حوله الكل نايم
قام دخل الحمام لما طلع
فتح الشبابيك وولع الانوار
وطفى المكيف
تركي:يله ترى الساعه ٣ العصر
ماجينى ننام النوم فالرياض
حسام:تروك تكفى طف النور
تركي:لا يله قوموا وصلوا
انا بروح اكلم البنات وبرجع اذا مالقيتكم صاحين بالمويه
_راح يطق الباب عليهم ويرن الجرس بس بدون فايده
دق على اخته رنا ٥مرات ولا ردت
دق على جنى ٣مرات وفالمكالمه الرابعه ردت
تركي ماصدق احد يرد علي
الووه
جنى:-------
تركي:الووووووه
جنى:------
_بس كان يسمع انفاسها_
تركي بصوت عالي:جنى
جنى:هممم
تركي:جنى
جنى عصبت:همممم
تركي:ياالله جنى اصحي عشان تسمعيني
جنى:------
تركي بصوت عالي:جنى
جنى:نعم
تركي:بدري
جنى:سعود مو فاضيه لك شتبي
تركي:انا تركي مو سعود
جنى بدت تستوعب:هلا هلا تركي بغيت شي
تركي:الحين صحيتي
جنى:ايه
تركي:والباقي نايمين
جنى:ايه
تركي: طيب صحيهم وتجهزوا بنروح نتغدا
جنى:طيب خلاص
تركي:جنى مو ترجعين تنامين
جنى:لا لا خلاص صحيت
_سكرت منه وقامت للحمام
اما هو رجع للغرفه لقى الكل نايم
تركي:سعود سعود
سعود:ياخي اسكت خلاص صحينى
تركي:نواف نواف
نواف قام ودخل الحمام
تركي يستهبل:شااااطر حبيبي
سعود قام تعدل فجلسته:وش قصتك انت
تركي:شف الساعه بعدين تعرف وش قصتي
سعود:البنات صحوا
تركي:دقيت عليهم بس انت قوم
ريان:انت وراي وراي حتى هنا
حسام:مردوده يالمزعج
تركي:خير خير كلكم علي

بسويت البنات جنى خذت شاور ولما طلعت خذت جوالها شافت المكالمات ما استوعبت ٣ من تركي وش يبي!!!
اووه هو اللي دق علي فشيله رديت عليه وانا نايمه اكيد خربطت بالكلام بعدين تذكرت انه قال صحيهم
ولعت النور وطفت المكيف
جنى:ساره
ساره:هممم
جنى:يله اصحي شوفي الساعه كم
ساره قامت
جنى:رنا
رنا:خلاص سمعت صحيت
جنى:جود الا انتي ماينفع معك الا مويه
راحت وجابت موي وجلست تقطر عليها
جود:يوووه
جنى:ما راح اوقف الا لما تصحين
جود قامت وهي معصبه:طيب يا جنى والله لاوريك
رن جوال جنى
ابتسمت وردت
الووو
تركي:هاه صحيتو
جنى:ايه خلاص صحيتهم
تركي:طيب البسو وبنروح نتغدا
جنى:اوكيه
تركي:باي
جنى:مع السلامه
سكرت وهي مبتسمه بعدين اختفت ابتسامتها و جلست على السرير وهي تفكر
ليش ما يهتم فيني؟
ليش ؟ معقوله مو فاهم؟مو حاس؟طيب كيف افهمه
صعبه اروح اقوله انا احبك انا اموت عليك يارب وش اسوي؟

لبسوا وجهزو
نزلو لقوا الشباب ينتظرونهم
راحو عندهم
جود:وين بنتغدى
نواف:عندي لكم مطعم خيال
وان شاالله يعجبكم
سعود:يله
راحوا
طبعا نفس الحاله مع نواف نظراته هي نفسها
جنى حاولت تتجاهله ولاتلتفت له
تركي صار يراقبه كل ما اجتمعو مع البنات وبذات جنى
يحس بقهر شلون يسوي كذا
طيب على الاقل يحترمنا
رنا بصوت خفيف :جنوو الله يعينك
جنى : اول كنت اقول بسكت
وبتجاهله بس مافيه فايده وش اسوي
رنا:مدري بس اخاف سعود يلاحظ واحنا مانبي مشاكل
جنى بقهر :يارب صبرني
طلعوا وهم بالشارع متجهين للسياره الجمس اللي استأجروها لما جو
طاحت شنطت جنى بالشارع دنقت بتاخذها
سمعت صوت رنا تقول:جنى انتبهي
رفعت راسها الا وسياره جايه مسرعه ماتبعد عنها الا خطوات
غمضت عيونها ولا تحركت
ساره:جنى تحركي بسرعه
بعدين حست احد يسحبها بقوه
شوي فتحت شافت عيونهامقابله عيون نواف
وماسكها بقوه وقريبه منه لدرجه انها تحس بالنفاسه السريعه
من الركض
نواف:فيك شي
جنى ماردت مو مستوعبه وعيونها كلها دموع شوي وبعدت عنه وركبت السياره ركبت معها رنا
رنا:ياالمجنونه ليش ماتحركتي
جنى:رنا اسكتي ترى مو مستوعبه
سعود شاف كل اللي صار بس ماتضايق من حركة نواف حس انها ردة فعل طبيعيه لانه خايف عليها
سعود:مشكور نواف
نواف :على ايش تشكرني مايحتاج
اماتركي انقهر لا وبعد يشكره يبعدها عن السياره مافيها شي بس ليش حاس انه متعمد يقربها اكثر مدري
ركب تركي السياره معصب وسكر الباب بقوه كانت جنى حاطه راسها على رنا بس رفعته من قوة صوت الباب
رنا:شوي شوي تركي وش فيك
تركي:----
رنا:تركي وش فيك
تركي بعصبيه:خلاص رنا مافيه شي
_جنى حست انه عشان الحركه
بس على طول استبعدت الفكره من راسها_
مشى تركي بعد ماركب ريان
دق سعود على جنى
ردت:الوو
سعود:هلا جنى كيفك
جنى:بخير
سعود:صار لك شي
جنى:لا
سعود:اكيد
جنى:اكيد
سعود:اوكيه طيب عطيني تركي
جنى:طيب
جنى بصوت خايف:ت تركي
مارد بس ناظرها فالمرايه
جنى:خذ كلم سعود
مد يده وخذ الجوال
تركي:هلا
سعود:وش فيك
تركي:مافيه شي
سعود:لاجد فيك شي
تركي:لالاتشغل نفسك مافيه شي
سعود:طيب وين نروح
تركي:اي شي
سعود:نواف يقول نروح ع البحر لان الجو اليوم حلو
تركي:اوكيه
سعود:تركي
تركي:هلا
سعود:انا اعرفك زين وعارف ان فيك شي
تركي:لاقلت لك لاتشغل نفسك
سعود:اوكيه باي
تركي:باي
سكر منه
تركي:جنى
جنى:نعم
رفع يده:خذي جوالك
خذته وهي ساكته
وصلو للبحر كان الجو خيال
نزلوا وتركي هدى شوي
راحوا البنات عند البحر والشباب بس من جهه ثانيه
نواف:وش فيك تركي
ناظره بطرف عين:مافيه شي
سكت نواف لان حس ان قصده وش دخلك
اما من الجهه الثانيه
جنى مشت شوي بعيد عن البنات
وهي تتأمل البحر
وتفكر بحالها مع تركي تنهدت
ياالله لازم ابين له كيف بيحس وانا اعامله مثل ما اعامل سعود
بس شلون صعبه وش اسوي والمشكله ما اقدر اقول لرنا
كيف اوضح حبي له تعبت منه

فجهة الشباب تركي لمح بنت من بعيد دقق فيها عرف انها جنى شي شده لها حب يروح لها يشوف وش فيها لانه باين عليها غارقه بأفكارها
مشى شوي مع نواف وسعود عشان يبعد نواف عنها ويروح لها
تركي:بروح اجيب جوالي من السياره
راح لها وقف وراها بس باين انها ماحست عايشه عالمها مع تركي
تركي بصوت خفيف:وين وصلتي
جنى التفتت له مرتاعه
شاف فعيونها دموع لفت عنه ومسحت دموعها بسرعه عشان مايلاحظ مو مصدقه تركي جاي عندي
جنى:------
تركي:جنى فيك شي
جنى:لا
تركي:باين انه فيك شي اعتبريني سعود وقولي لي
_تضايقت اعتبرك سعود اخوي نزلت دمعتها من عينها
تركي قرب منها وبصوت حنون:جنى ليش الدموع
جنى:احيانا الدموع تريح
تركي:تريحك من ايش قولي يمكن اقدر اساعدك
جنى:ماراح تقدر
تركي:ليش مااقدر لازم تطلعين اللي بقلبك لو مو لي لاي احد ثاني عشان ترتاحين
جنى:تركي مو كل شي نقدر نقوله
تركي:بس بتتعبين كذا
جنى:------
تركي:براحتك بس قلت لك انا اخوك الثاني اذا احتجتي شي وبغيتي تقولين شي انا موجود
_تضايقت ويعيدها مره ثاني اخوي_
التفتت له ودموعها ماليه عيونها
كان شكلها بريء قالت بصوت مخنوق:تدري ياتركي وش اكثر شي يتعب ؟؟انه يكون اللي قدامك ماعنده ذرة احساس ولا مشاعر وانت بذات مستحيل تفهم.
راحت عنه وتركته محتار واقف مايدري وش قصدها
قصدها انا؟طيب ليش؟ غموض هالانسانه محيرني
راحت عند البنات وهي حاسه انها طلعت شوي من اللي بقلبها
رجع تركي وهو للحين يفكر بكلام جنى معقوله تقصدني
جت الساعه ١٢
سعود:وش رايكم نروح للسينما
رنا:ايه والله
نواف:طيب يله نمشي
تركي كان طول الوقت ساكت
جنى لاحظت عليه فرحت حست انها اثرت فيه
ركبوا بس جنى ركبت مع سعود وجود جت مع تركي
وهذا اللي حير تركي زياده
تركي:وين جنى
رنا:مدري بس قالت لي انها بتركب مع سعود
راحوا للسينما
شافو الفلم وبعد ما تعشوا رجعوا للفندق
ساره:بليز لا تنامون وش رايكم ندق على الشباب يجون يسهرون معنا
جنى:لالا الحين ننام عشان نصحى بدري
ساره:اوكيه براحتكم
جنى راحت ولبست بجامه لونها ابيض مع وردي
دخلت عليهم فالغرفه لقتهم ناموا
جنى: قلت ننام بس مو بهالسرعه
رنا:جنى يامزعجه اطلعي
طلعت وجلست بالصاله عند التلفزيون
شوي سمعت صوت الجرس راحت فتحت الباب انصدمت
جنى:ت تركي؟؟؟
تركي:ايه وش فيك
جنى تذكرت كلامها له عند البحر وسكتت
تركي:يضايقك اني اجي؟؟؟
جنى:لالا عادي
تركي:جنى ابي اسألك سؤال
جنى:اسأل
تركي:وش قصدك بكلامك اليوم عند البحر
جنى:ما اقصد شي
تركي: لا تقصدين
جنى:صدقني ماكنت اقصد شي
تركي:مصيري راح اعرف
تصبحين على خير
جنى:وانت من اهله
سكرت الباب وتحس نبضات قلبها سريعه
جلست على اول كنبه وهي تفكر معقول جاي عشان يسألني طيب وش يستفيد اذا عرف وانا ما اهمه
دخلت الغرفه ونامت
اما تركي دخل السويت وهو ساكت
نواف:وين كنت
تركي:اكلم رنا
نواف:وين ناوين تروحون اليوم
سعود:اليوم البنات يختارون

الساعه ٢ الظهر
قامت جود ولاصحت احد طفشت لحالها
دقت على ريان
رد وهو نايم:الوو
جود:يووه للحين نايم
ريان :وش تبين
جود:خلاص اصحى
ريان:ليه
جود:طفشانه
ريان:وش دخلني فيك
جود:ريان تكفى اصحى وتعال عندنا
ريان:طيب خمس دقايق وجاي
جود:معك حسام؟
ريان:لا نايم اذا قدرت اصحيه جينا انا وياه
جود:يله بااااي
سكر منها
والتفتت على حسام هزه شوي
بعدين فتح حسام:هممم
ريان:يله قوم نوسع صدورنا
حسام:طيب شوي
_صحوا وجو عندها جلسوا يسولفون وياكلون ومع ازعاج التلفزيون صحت رنا معصبه
طلعت عليهم
رنا بعصبيه:تستهبلون
جود:وش فيك وش سوينا
ريان:عسى ماشر
رنا:قصروا عليه حرام عليكم
حسام ببرود:ليش حرام
رنا عصدت جد:احنا نايمين
جود:طيب طيب وجع ازعجتينا
رجعت رنا تنام

فسويت الشباب
صحى سعود مالقى ريان وحسام عرف انهم عند البنات صحى نواف وتركي صلوا
تركي:وين ريان
نواف:عند البنات
سعود:تعالوا عندهم
نواف ماعنده مانع:يله
تركي:روحوا بلبس وبجيكم
راحوا للبنات دخلو سمعوا ازعاج وضحك
جود:بدري كان نمتوا شوي
سعود:ليش باب السويت مفتوح
جود التفتت على حسام:انت اخر من دخل
حسام:حطيها فيني
جود:الا انت
سعود:خلاص اسكتوا وين الباقي
جود:نايمين
نواف:ليش ماصحيتيهم
جود:لا لا مالي دخل
نواف:ليه مالك دخل
جود:طلعت علينا رنا وهزأتنا ورجعت
سعود ابتسم:ليش
حسام:بس كان صوت التلفزيون عالي
نواف:بس؟؟
حسام:ايه
دخل تركي عليهم
تركي:خلونا نروح نتغدى جوعان
نواف:للحين نايمين
تركي:مو على كيفهم اعرف نقطة ضعف رنا الازعاج
راح تركي يطق الباب طق مو صاحي ومتواصل الاخ كان رايق
فتحت جنى الباب معصبه:ريان ترى ماتنعطى وجه
ابتسم تركي على شكلها:شكلك
للحين ماصحصحتي
جنى استوعبت:تركي؟؟
_كان شعرها مفكوك ومموج
وشوي منه على وجهها رفعته_
تركي:وش ذا النوم
جنى:خلاص بنصحى الحين
تركي:بسرعه
جنى:طيب
رجع لهم
تركي:شفتوا صحيتهم
نواف:قلت نقطة ضعف رنا موجنى
التفتت عليه:مافيه فرق
جود:وش رايكم اليوم نروح للملاهي
حسام:ايه والله فله
سعود:بنشوف وش يقولون البنات
جود:وانا مو بنت
سعود:نص بنت
عصبت:نعم نعم
سعود:اقول اسكتي جالسه ٢٤ ساعه مع عيال وتقول مو بنت
جود:مالك دخل
طلعت عليهم ساره ببجامتها
ساره:صباح الخير
نواف:مساء النور روحي البسي نبي نتغدى
ساره:طيب
طلعوا عليهم رنا وجنى لابسين عباياتهم
جود:رنا جنى وش رايكم نروح الملاهي
جاهم صوت ساره من داخل:ايه ابي اروح
سعود ونواف:ههههههه
حسام:محد كلمك
جنى:بعد الغدى نروح للسوق
بعدين الملاهي
سعود:اوكيه
راحوا تغدوا بعدها طلعوا وهم طالعين نواف التفتت لجنى:انتبهي مو مثل امس
جنى:اوكيه
ركبوا بس نفس الشيء جنى ماركبت مع تركي
تركي فنفسه وش فيها هالبنت ليش تتصرف كذا

فالسوق تفرقوا جنى وساره ورنا راحوا فجهه
وحسام وجود وريان يدورون بدون هدف
اما سعود وتركي ونواف جلسوا فكفي
رنا:ساره وش رايك بالبنطلون هذا
ساره:اللي جنبه احلى
رنا:باخذ الثنين
ساره:وين جنى
رنا:عند العطورات مستحيل تطلع من سوق الا ماخذه كم عطر
جتهم جنى مبتسمه:لقيت عطورات خيال تعالوا شوفوا
رنا:يله
راحوا عند العطورات
جنى:شوفي هذا عجبني بس رجالي
رنا شمته:روووعه بأخده لتركي
جنى:خلاص قولي له يجيب ثنين لسعود وتركي
شروها وطلعوا من محل لمحل
واخيرا خلصوا دقت جنى على سعود
هلا والله
جنى:هلافيك
سعود:خلصتوا
جنى:ايه وينكم
سعود:فستار بكس
جنى:يله جايين
راحوا عندهم وجلسو على نفس الطاوله
تركي:مافيه شي ماخذتوه
رنا:وش اسوي فيه اشيا حلوه
تركي:يعني الرياض مافيها شي
رنا:فيها بس هنا ماركات اكثر وبعدين انا احب اكون مميزه
_ساره كانت تناظر سعود طول الوقت ومحد لاحظ الا رنا _
تركي:وين الثلاثي المرح
نواف:يدورون
سعود:جنى كلمي جود
طلعت جوالها ودقت عليها
جود:الووو
جنى:الوو جود وينك
جود:نتمشى
جنى:تعالوا بنطلع
جود:انتوا عند الشباب
جنى:ايه
جود:شوي وجايين
سكرت بس كانت ملاحظه شي ان ثنين ما وخروا عيونهم عنها الاول تركي والثاني نواف
استغربت نواف تعودت على حركاته بس تركي ليش؟؟؟
رفعت عينها لنواف قالت يمكن اذا حطيت عيني فعينه يستحي على وجهه بس صار العكس ابتسم لها نزلت عينها بسرعه
وكل اللي صار كان تحت مراقبة تركي اللي يحس ان دمه يفور من حركات نواف لانه حاط فباله ان هو وسعود عادي يمونون بس نواف لا لانهم ما يشوفونهم الا بالاجازات وبعض الاجازات مايجون للرياض_
جو جود وحسام وريان
حسام:هااااي
رنا:هايات
جود:يله تحركوا
تركي:يله سعود مشينا
راحوا للملاهي وانبسطوا ولعبوا
وتعشوا ماصار شي غير ان نواف مابعد عينه عن جنى وكان يحاول انه يحتك فيها بس هي تتهرب الكل استانس الا تركي اللي كان يحس انه بيموت من حركات نواف
رجعوا ونفس الحاله جنى ماركبت مع تركي
فسر حركاتها انها تبي تكون قريبه من نواف مايدري ليش حس بالغيره صح هو ماكان يفكر فيها بس كانت تعجنه ولا حط فباله انها ممكن تحب نواف

فالفندق كانت الساعه ٣ الفجر
جود وحسام ونواف وساره ناموا على طول تعبو من الدوران اما تركي وسعود وريان كانو يشوفون فلم وجنى ورنا يسولفون ماجاهم نوم

عند الشباب
سعود:تروك
تركي:هلا
سعود:فيك شي
تركي:لا
سعود:لا جد اتكلم
تركي:مافيه شي
سعود:بس انا ملاحظ عليك من كم يوم انك متضايق واليوم بزياده
تركي:سعود تكفى خلاص قلت لك مافيني شي
سعود:طيب ماراح تنام
تركي:ماجاني نوم
سعود:وش رايك نروح للبحر
تركي:الحين؟؟؟
سعود:لا بعد مانصلي الفجر نروح
تركي:ماعندي مانع
سعود طلع جواله دق على جنى
الووو
سعود:صباح الخير
جنى:صباح النور
سعود:مانمتوا
جنى: لا
سعود:من معك
جنى:رنا
ابتسم سعود:طيب بنروح البحر تجون معنا
جنى :انت ومين _سألت عشان اذا كان نواف معهم ماراحت صارت تكره المكان اللي يصير موجود فيه_
سعود:انا وتركي وريان
جنى:خلاص شوي ونجي عندكم
ركبوا فسياره وحده
ريان:ليش ماجت جود
رنا:نايمه
ريان:المفروض جت يعني وش اسوي لحالي
جنى:ماملينا عينك
ريان:بصراحه لا
تركي:ليش جيت
ريان:توقعت جود بتجي
جنى:انت وش تبي فأختي
ريان:اجل اجلس عند البحر لحالي والله انكم نذلين
خليتوها نايمه بقولها تجي تنام عندنا عشان اصحيها اذا جينى نطلع
جنى :هذا اللي ناقص
ريان:تركي
تركي:نعم
ريان:وش رايك تتزوج جنى وانا اتزوج جود
رنا:وناسه تصيرين مرة اخوي
_جنى ماعلقت سكتت بس عطت ريان نظره ولفت عنه_
تركي:اقول اسكت ترى ازعجتنا
ريان:خير وش سويت تعطيني هالنظره_يقصد جنى بس هي ماردت عليه_
سعود:ريانوه على كيفك تزوج خواتي
ريان:يحمدون ربهم انا مستحيل تلقى جود مثلي وانتي ياجنى بكيفك اذا ماتبين بس انا قلت ازوج تركي عشان يجي دوري
تركي: اسكت عورت راسي من ركبنا وانت تتكلم
ريان:انا مدري وش جابني معكم

وصلوا عند البحر

يتبع

--------------------------------------------------------------------------------

[الجزء الثالث]

وصلوا عند البحر كان الجو خياااااااال روعه على الفجر
نزل ريان رفع بنطلونه ومشى للمويه اما تركي جلس بالسياره وسعود ورنا وجنى نزلوا
سعود:تركي ماراح تنزل
تركي:شوي وانزل
سعود:والله انك غريب بس ان شاالله لي جلسه معك واعرف وش قصتك
ابتسم تركي:اقول رح ولا تشغل نفسك مافيني شي
_سعود راح يتمشى وراحوا معه جنى ورنا تركي شافهم ابعدوا شوي وريان جلس يكتب على الرمل بأصبعه التفتت تركي ورى شاف شناط رنا وجنى فتح شنطة جنى شاف جوالها
رجعها ونزل من السياره
تركي بصوت عالي:جنى
التفتو كلهم عليه
تركي:جوالك يرن
جنى رجعت تركض وهو رجع يركب السياره ماكان فيه احد يدق عليها بس هو كان يبيها تجي
فتحت باب السياره وركبت وهي تتنفس بسرعه خذت الشنطه طلعت جوالها فنفس اللحظه نزل تركي وركب معها ورى
انصدمت لانها عرفت ان تركي كان يكذب بس يبيها تجي واللي اكد لها انه ماكان فيه اتصال رفعت راسها له كان يناظرها نظرات غريبه كان يحس بشي بداخله ناحيتها بس مايدري وش هالشي من قبل لا تتكلم معه عند البحر المره الاولى كان يحس بهالاحساس
تركي:ماكان يرن
جنى:ليش قلت انه يرن
تركي:كنت ابيك تجين
جنى:ليش
تركي:ابي اتكلم معك
جنى:تكلم
تركي:جنى ابي أسألك بس تكفين جاوبيني بصراحه
جنى:اسأل
تركي:انتي تحبين نواف؟؟؟؟
انصدمت من سؤاله وسكتت
تركي:جاوبيني انتي تحبينه
امتلت عيونها دموع :تركي من جدك تسألني انا
تركي:ايه من جدي
جنى ودموعها تغطي عيونها وخانقتها العبره:تركي الحين بس تأكدت انك مستحيل تفهم
جت بتنزل ماكانت تبي تصيح عنده بس تركي قفل السياره
جنى:تركي افتح الباب
تركي:جنى للحين ماخلصت كلامي
جنى:بليز افتح الباب
تركي:جنى انا ماخلصت كلامي
جنى:وش بتقول بعد
تركي بهدوء:اذا كنت ماافهم فهميني
جنى ناظرته بنظرات مافهمها وتقول فنفسها وش اسوي فيك ياتركي تبيني افرض نفسي عليك واقولك انا احبك وحبني غصب
جنى بصوت مخنوق:تركي افتح الباب
تنهد تركي وفتح الباب نزلت ودموعها تنزل اخر شي توقعته انه يسألها اذا كانت تحب نواف ليش هو مو غبي عشان مايفهمني راحت بعيد عنه بس مارجعت لسعود ورنا راحت جلست عند البحر ودموعها تتفجر
اما تركي نزل من السياره وتسند عليها يفكر

نروح عند سعود ورنا
سعود استغل الفرصه بعد ماراحت جنى
سعود:مبسوطه؟؟؟
رنا مبتسمه هي بعد كانت تحس بشي داخلهاكبير لسعود بس ماحطت فبالها انه ممكن يكون حب
رنا هزت راسها
سعود ناظرها نظرات و هو مبتسم انحرجت ولفت بترجع
سعود:لحظه لحظه على وين
رنا:بروح انادي جنى
سعود:وانا كل ما لقيت فرصه اكلمك تتهربين
رنا:اتهرب؟
سعود:ايه تتهربين بس الحين مستحيل تروحين
سكتت ومشت معه
فترة صمت ٥ دقايق
سعود ماعرف كيف يقول لها بس حس ان هذي فرصته
سعود بهدوء:رنا
التفتت عليه بدون ماترد
سعود:أحبك
رنا انصدمت وتمنت لو تنشق الارض وتبلعها
رنا بصوت مرتجف:تحبني؟؟؟
سعود:واموت عليك
حست قلبها بيوقف وتحس دمها تجمد
وقفت عن المشي تحس بحراره بوجهها لفت عنه
راجعه اماهو وقف يتأملها

رجعوا للفندق وكل واحد نفسيته غير سعود كان مبسوط بس خايف ان رنا ماتبادله نفس الشعور ورنا مصدومه وتركي محتااااار مع جنى وداخله اشيا كل يوم تزيد اما جنى مو مستوعبه اللي صار مع تركي
وريان طفشاااان لانه كان لحاله
حتى وهم بالسياره كان صمت تاااااام الوحيد اللي مستغرب ريان
اول مارجعوا ناموا
الساعه ٣ العصر صحوا كلهم طلعوا للمطعم يتغدون
ريان:جود
جود:هلا
ريان:الفجر رحنا البحر
شهقت جود:ليش ماصحيتوني
ريان:مو مني من رنا وجنى
جود التفتت لهم:ليش
جنى:لاتموتين علينا متى مابغيتي روحي
جود:لا بس الفجر غير الجو احلى
ساره:يالخونه تروحون عني
رنا:كنتي نايمه
ساره:كان الجو حلو؟؟
رنا:روووعه
سعود ابتسم لها وانحرجت
اما تركي كان ساكت جنى يعني مره تتلكلم ومره لا
نواف:بعد الغدى وين تبون
ساره:سينما
ريان:لا نبي مكان فيه دبابات
حسام:ايه
تركي:اعرف مكان حلو اذا طلعنا الحين رحنا له
رنا التفتت لجنى:هههههههه
جنى:ليش تضحكين
رنا: كلنا بنستانس الا انتي
جنى:ليه
رنا:ما تحبين الدبابات
جنى:عادي
تركي:خلاص مو لازم نروح
حسام:خير عشان وحده مانروح كلنا
جنى:لا عادي بتفرج عليكم
طلعو راحوا للمكان اللي قال لهم تركي حسام وريان وجود خذو لهم دبابات وقعدو يلعبون
اما سعود ونواف وتركي راحوا يتمشون وساره ورنا وجنى جلسوا على طاوله يتفرجون
جا من وراهم واحد يستهبل
ويرمي عليهم كلام عصبت جنى :بتروح والا شلون
الولد:وشلون
رنا:لو سمحت كبر عقلك ورح عنا واترك هالحركات
الولد:سعوديات؟؟؟؟
ساره عصبت :وانت وش دخلك
شافهم ريان وراح بدبابه لتركي جا تركي معصب شافه الولد وراح بسرعه
وصل عندهم تركي:هذا وش يبي
رنا:يستهبل
تركي سحب له كرسي وجلس
كملوا كلامهم رنا وساره اما جنى سكتت ولفت على الدبابات تتفرج
رن جوال تركي
الووو
سعود:وينك
تركي:عند البنات
سعود:دق علي ابوي
تركي:وش يبي
سعود:يبينا نرجع
تركي:ليش
سعود:يقول فالثلاث ايام اللي راحت تراكم الشغل
تركي:يعني
سعود:نرجع
تركي:متى
سعود:مدري انا الحين بجي عندك ونشوف
سكر من سعود
تركي:يمكن نرجع الرياض
رنا:ليه
تركي:ابوي كلم وقال ان الشغل متراكم ولازم نرجع
ساره:ماصار لنا ثلاث ايام
تركي:اهم شي انبسطتوا؟؟
رنا:ايه والله غيرنا جو
ساره:انا هنا او بالرياض بالنسبه لي تغيير جو اهم شي اطلع من الشرقيه
تركي:وانتي جنى
جنى:هممم
تركي:انبسطتي
جنى:ايه الحمد لله
جا سعود وقال لهم انه بيروح يحجز لهم على اول طياره للرياض طبعا جود اعترضت وحسام وريان حاولوا يقنعونهم انهم يقولون مالقوا حجز بس رفضوا
حجز لهم سعود الساعه ٤ العصر رحلتهم
رجعو للفندق الساعه ١٢
بسويت البنات
ساره:وش رايكم ننام عشان من الفجر نروح عند البحر
جنى:عادي اي شي
رنا:جنى وش فيك
جنى:ما فيه شي
سكتت رنا لانها ناويه بعدين تجلس معها وتسألها

الصباح صحوا كلهم وراحو عند البحر الثلاثي المرح قعدوا يصورون اما البنات جلسوا قدام البحر
والشباب راحوا يتمشون
ولاصار شي مهم
جا موعد الرحله ركبوا الطياره
نفس اماكنهم قبل
ساره:يمكن نرجع للشرقيه
رنا:متى
ساره:بكرا
جنى:ليش للحين ماخلصت العطله
ساره:عارفه بس امي ماتبي تخلي ابوي لحاله وبعدين نواف
عنده شغل
جنى:يارب صبرني وع بتبدى الدراسه
رنا:بغيب اول سبوع
جنى:وانا بعد مالي خلق اروح
ساره:مجانين سبوع مره وحده


وصلوا الرياض سلموا على اهلهم والبنات رقوا يرتاحون
اما تركي رجع للبيت
كان طول الوقت يفكر بجنى
وبحاله يقول فنسه معقوله انا احبها صح اهي تعجبني من قبل
بس ما اتوقع يتحول هالاعجاب لحب
فبيت بو سعود كانت الساعه ١ بالليل وام نواف وعيالها بيمشون الفجر رنا وجنى وساره نايمين اذن الفجر صحوا وصلوا ورجعوا يكملون نومهم الا ساره لأنهم بيمشون وقبل ما يطلعون راحت ساره وحطت روج احمر وباست جنى و رنا وهم نايمين وكتبت لهم على المرايه بالروج عشان اذا صحوا يقرون
راحوا للشرقيه
جت الساعه ٢ الظهر جا تركي لبيت بو سعود يتغدى معهم
ام سعود:تركي
تركي:هلا
ام سعود:الله يعافيك ارقى طق الباب على البنات للحين نايمين وقوم سعود
تركي:ان شاالله
رقى راح لغرفة جنى طق الباب بس محد رد عليه طقه مره ثانيه باقوى
فتحت جنى كانت لابسه قميص قصير وشعرها حوسه شوي بس كان شكلها حلو
تركي:جنى وش هذا
جنى:وشو
تركي:اصحي وصحي رنا وشوفي شكلك بالمرايه
سكرت الباب بوجهه لما شافت لبسها راحت للمرايه انصدمت
لما شافت وجهها كله بوسات

تركي صحى سعود ونزلوا
اما رنا وجنى غسلوا ولبسوا ونزلوا
تغدوا وبعد الغدى تركي ورنا وريان راحوا لبيتهم
كانت رنا تحاول ماتجلس بنفس المكان اللي فيه سعود كل ما شافته انحرجت

بدت الدراسه اول اسبوع محد داوم من البنات
يوم الاربعا دقت جنى على بيت عمها
ردت الخدامه
الووو
جنى:السلام عليكم
الخدامه:اليكم سلام
جنى:وين رنا
الخدامه:رنا نايم
جنى:اوكيه باي
سكرت منها
وجلست جنى فالصاله دخلت عليها امها
ام سعود:جنى عطيني التلفون
جنى:من بتكلمين
ام سعود:بكلم بيت عمك اشوف وش اخبار عيال اختي
جنى:انا دقيت قالت لي الخدامه رنا نايمه
ام سعود:طيب دقي على جوال تركي وعطيني اكلمه
جنى دقت لامها وعطتها
رد تركي
الووو
ام سعود:السلام عليكم
تركي:وعليكم السلام هلاوالله خالتي
ام سعود:هلافيك وش اخبارك
تركي:الحمدلله انتي كيفك
ام سعود:بخير الله يسلمك
بس انا زعلانه منك
تركي:افااا ليه
ام سعود:من سبوع وانا ماشفتك لا انت ولا اخوانك
تركي:اعذريني خالتي الشغل هالايام كثير
ام سعود:مو عذر اذا تبيني ارضى تعال اليوم وتغشى عندنا
تركي:من عيوني
ام سعود:تسلم عيونك يله تبي شي
تركي:سلامتك
ام سعود:الله يسلمك مع السلامه
سكرت منه
ام سعود:وين اخوك سعود
جنى:طالع
ام سعود:كلميه قولي له يجي
تركي بيتعشى عندنا
جنى:طيب
جنى فنفسها يووه ماودي اجلس معه
رقت فوق لبست بنطلون اسود
وتيشرت ابيض واسود
ربطت شعرها وحطت غرتها على جنب
نزلت لقت سعود داخل
سعود:مسا الخير
جنى:مسا النور
جا بيرقى
جنى:سعود ترى بيجي تركي
سعود:عارف دقيت عليه وقال لي
بعد نص ساعه
جا تركي سلم عليهم
جنى:وين رنا
تركي:كانت نايمه ولا حبيت اصحيها
على العشاء
وهم جالسين
تركي :خالتي وين عمي
ام سعود:معزوم
سعود:الله يهديه ابوي كارفني كرف فالشركه
تركي:لان الشغل تركم علينا
وكملوا سوالفهم وشوي تتدخل جود
اما جنى ولا كلمه حتى تركي لاحظ عليها
قامت جنى
ام سعود:جنى ماكلتي شي
جنى:شبعت خلاص
راحت عنهم لغرفتها
وهي تفكر يا الله لين متى وانا كذا افكر فواحد انا ما اهمه
بعد تفكير طويل نامت
صباح يوم الخميس
فبيت ابو تركي صحت رنا
نزلت تفطر قالت للخدامه تحط لها فطورها فالحديقه
راحت جلست تذكرت سعود
لما قال لها احبك ابتسمت
ااااه الحين عرفت وش المشاعر اللي بداخلي له
الحين عرفت اني احبه
غرقت بأحلامها
جا تركي
صباح الخير
التفتت له
رنا:صباح النور
تركي:وين ريان
رنا:للحين نايم
تركي:امس رحت لخالتي
رنا:وليش ماقلت لي
تركي:شفتك نايمه ماحبيت ازعجك
رنا:يانذل عادي ازعجني وش فيها
تركي:وش هالحماس كله تبين روحي ترى عادي
_رنا كان ودها تشوف سعود_
رنا:حرام عليك من زمان ماشفت جنى
تركي:سألتني عنك
رنا:ياحبي لها مشتاقه لها
تركي: احس انها غامضه ماقدرت افهمها
رنا:وش اللي يخليك تحس هالاحساس
تركي:ولاشي بس ماقدرت افهمها
رنا:ليش تبي تفهمها
تركي:ياكثر اسألتك عادي بنت عمي وابي افهمها
رنا:بالعكس ما احس انها غامضه ولاشي بس يمكن انت لانك ماتجلس معنا كثير ما فهمتها
تركي:يمكن

مر اليوم عاااادي
الساعه ٨ الليل دخل ابو تركي
لقى كل عياله فالصاله رنا معها لابتوبها وتركي وريان يشوفون المباراة
ابو تركي ابتسم وجلس معهم
بس كان ساكت انتظر لين خلصت المباراة
ابو تركي:تركي
تركي:سم
ابو تركي:قصر على التلفزيون ابي اكلمكم
_سمعته رنا رفعت راسها له شافت وجه ابوها جاد سكرت اللابتوب
وتركي قصر على التلفزيون_
ابو تركي:اسمعوا ياعيالي انا قبل لا اقول لكم الموضوع اللي بقوله فكرت كثير ابيكم تعرفون ان كل همي مصلحتكم
تركي:خير يبه وش فيك
ابو تركي:اسمع ياتركي انت
ان شاالله بتتزوج وانتي يارنا بيجيك نصيبك وبتروحين بيتك
وانت بعد ياريان
رنا:طيب
ابو تركي: انا قررت اتزوج
رنا:تتزوج؟؟
ابو تركي:هدي يابنتي للحين ما خلصت كلامي
رنا:طيب ليش؟؟
ابو تركي:البيت محتاج حرمه
تهتم فيه وفيكم وتأكدوا انه ماراح يتغير عليكم شي البيت بيتكم وانا ماراح اتزوج وحده تضايقكم
رنا عيونها امتلت دموع:يبه البيت فيه خدامات يطبخون لنا ويرتبون ومهتمين فالبيت
ابو تركي:الخدامه مو هي اللي بتهتم فيكم
رنا:خالتي مو مقصره معنا
ابو تركي:خالتك بعد عندها بيتها وعيالها
سكتت رنا ونزلت راسها
ابو تركي:ما قلت رايك ياتركي
تركي:اللي يريحك
ابو تركي:وانت ياريان
ريان: اهم شي راحتك
ابو تركي:لا اهم شي راحتكم
يعني انت مو رافض
ريان:لا
قامت رنا لغرفتها
ابو تركي:اسمع ياولدي ياتركي فهمها انا بروح ارتاح بس ابيك تقنعها
تركي:ان شاالله
قام ابو تركي راح لغرفته
تركي:ريان وش رايك
ريان:تركي لو فكرت بالعقل ابوي معه حق المفروض مانفكر بنفسنا بس هو بعد يبي يرتاح يبي احد يهتم فيه احنا دايم عند خالتي وهو من عنده
تركي:عارف ان معه حق بس وش يقنع رنا
ريان:مصيرها بترضى
تركي:بروح لها

رنا فغرفتها منسدحه على السرير وتصيح مو راضيه تتخيل انه تجي وحده ثانيه مكان امها
سمعت صوت احد يطق الباب ماردت
فتح تركي الباب شافها منسدحه على السرير وحالتها حاله رفعت راسها شافت تركي
رنا:تركي تكفى حاول تمنع ابوي
قرب منها تركي وجلس على السرير:رنا مانقدر نمنعه
رنا:ليش طيب يتزوج احنا راضين بحالنا
تركي:وليش نفكر بأنفسنا بس
لازم نفكر فيه
رنا:مدري بس ماابي اي وحده تاخذ مكان امي
تركي:يمكن تكون طيبه
رنا:واذا ماصارت
تركي:ابوي ماراح يسمح لها تضايقنا بشي
انا بطلع بخليك ترتاحين وفكري زين
طلع من عندها خذت جوالها ودقت على جنى
الووو
رنا:مساالخير
جنى:مساالنور كيفك رنوو
رنا:بخير جنى تكفين تعالي عندنا
جنى:رنا وش فيك ليش تصيحين
رنا:تعالي وبقولك
جنى:اوكيه بروح اقول لامي واجي
رنا:اوكيه باي
سكرت جنى وراحت لامها
جنى:يماه
ام سعود:نعم
جنى:ابي اروح لرنا
ام سعود:ليه
جنى:اوسع صدري
ام سعود:بكيفك
راحت جنى لبست بنطلون جنز وبلوزه حمرا ورفعت شعرها
ونزلت وهي لابسه عبايته
جنى:يله يماه بروح
ام سعود:مع السلامه
ركبت جنى السياره وهي تفكر برنا
جنى:سنجر روح لبيت بابا بو تركي
سنجر:اوكيه
وصلت البيت فتحت لها الخدامه
دخلت شافت ريان فالصاله
جنى:كيفك ريان
ريان:هلا والله انا بخير انتي وش اخبارك
جنى:تمام وين رنا
ريان:فغرفتها
رقت جنى وهي بالدرج قابلها تركي
جنى:كيف حالك
تركي ابتسم لها:بخير انتي وش اخبارك
جنى:الحمد لله
تركي:رنا كلمتك
جنى:ايه وش فيها
تركي:جنى حاولي تقنعينها وتفهمينا
جنى:بأيش اقنعها
تركي:بتقولك
راحت جنى لغرفة رنا طقتها بعدين دخلت
اما تركي وقف يتأملها لين دخلت بعدين نزل
اول مادخلت جنى قامت رنا ضمتها وهي تصيح
جنى:رنا وش فيك ليه تصيحين
رناوهي تصيح:ابوي بيتزوج
جنى:ايش
رنا جلست على السرير و جلست معها جنى
رنا:اليوم قال لنا
جنى:طيب وين المشكله
رنا:اقول لك بيتزوج تقولين وين المشكله
جنى:انتي وش اللي مضايقك
رنا:اللي مضايقني اني ماابي وحده تاخذ مكان امي
جنى:خالتي غير الله يرحمها
ومهما صار ماراح تاخذ مكانها
رنا: ما اقدر اتخيل انه وحده غريبه تجي معنا فالبيت
جنى:لازم كل بيت فيه وحده تهتم فيه
رنا:ناس كثير عايشين مثلنا عادي ولماجت مرة الابو نكدت عليهم
جنى:مو كل الناس مثل بعض
فيه زوجات ابو مافيه مثلهم
رنا سكتت
جنى:رنا انتي بتتزوجين وبتروحين حتى ريان وتركي
مافكرتي فعمي
رنا ساكته وكأنها بدت تقتنع
جنى:ماقال منهي
رنا:لا
جنى:ولا قال متى
رنا:لا
جنى:طيب تعالي ننزل تحت
رنا:لا ماابي مالي نفس
جنى:مو على كيفك
رنا:تتوقعين بنرتاح ؟بناخذ راحتنا فبيتنا؟
جنى:اكيد وبعدين يارنا اذا عمي درى انك رافضه بيفكر انه ماتهمك راحته
رنا:يعني تبيني افرح
جنى:ليش ماتفرحين لراحة ابوك
رنا:احس اني بديت اقتنع بس خايفه
جنى:لاتخافين وصدقيني عمي بيفرح اذا شافك راضيه
_رنا ضمت جنى
رنا:الله لا يحرمني منك
جنى:ولامنك
نزلوا تحت لقوا تركي جالس وريان معه
تركي:مادريت ياجنى انك بتقنعينها بهالسهوله
جنى ماردت عليه بس ابتسمت
جنى:رنا معليش مااقدر اجلس اكثر بروح
رنا:تستهبلين
جنى:السواق برى
رنا:طيب بتروحين السبت للمدرسه
جنى:ايه
_تركي عيونه ما وخرت عن جنى زاد اعجابه بها اكثر كيف قدرت تقنع رنا وتقلبها فجأه
هالبنت فيها شي يشدني لها
احس انها ملكتني
جنى التفتت لتركي وريان
جنى :مع السلامه
طلعت لحقها تركي
تركي:جنى
التفتت عليه:نعم
تركي وهو مبتسم:مشكوره
جنى:على ايش تشكرني
تركي:على كل شي سويتيه مع رنا كنت شايل همها ماكنت عارف كيف اقنعها
جنى:العفو ماسويت شي
راحت عنه وركبت تركي وقف عند الباب لين مشت السياره
بعدين رجع يدخل

فبيت بو سعود
دخلت جنى
سعود:وين كنتي
جنى:فبيت عمي دقت علي رنا كانت متضايقه ورحت لها
سعود:عشان موضوع عمي
جنى:وش دراك
سعود:قال لي تركي
جنى:قلت لأمي
سعود:ايه
جنى:وش قالت
سعود:اهي اصلا داريه من زمان وعمي قال لها تدور وحده مو صغيره
جنى:شمعنى امي اللي تدور له
سعود:قصد عمي ان امي بتدور له وحده عارفتها عشان يتطمن ان عياله يرتاحون
جنى:متى بيتزوج
سعود:مدري المهم كيف رنا الحين
جنى:احسن بكثير وشكلها بدت تقتنع
دخلت عليهم ام سعود
ام سعود:جنى وش اخبار رنا
جنى:احسن من اول
ام سعود:فهمتيها
جنى:ايه وكأنها اقتنعت
ام سعود:وريان
جنى:لا ريان عادي عنده
سعود طلع راح لغرفته
جنى:يماه دورتي لعمي
ام سعود:ايه لقيت له وحده اسمها لولوه
عندها ولد وزوجها توفى وهي بالشهر الاول بولدها
جنى:كبيره والا صغيره
ام سعود: عمرها ٣٦
جنى:كم عمر ولدها
ام سعود:٤ سنوات ماعندها الا هو مسكينه ماكانت تقدر تحمل ويوم حملت توفى زوجها
جنى:قلتي لعمي
ام سعود:ايه وكلمتهم واتفقنا ان ملكتهم الاسبوع الجاي وطبعا مافيه زواج بعد الملكه ياخذها واليوم الثاني نسوي عزيمه على قدنا لها
جنى:مخططين لكل شي
ام سعود:من زمان بس قلنا مانقول لعياله الا بعد الاجازه

مر الاسبوع بسرعه واليوم يوم الخميس يوم الملكه
رنا راحت لبيت خالتها ومعها ريان
وتركي بعد الملكه بيروح معهم
كانت الساعه ٩ ونص
فبيت بو سعود
جو تركي وسعود وريان راجعين من الملكه لبيت بوسعود لقوا رنا وجنى وجود جالسين فالصاله
شافتهم رنا
رنا:تركي خلاص تملكوا
تركي:ايه خلاص
رنا:راحوا للبيت
تركي:ايه
رنا:ولدها راح معهم
تركي:ياكثر اسألتك لا بكرا بيجي
رنا:وش اسمه
تركي:فهد
سعود:وش فيك رنا لازم تتعودين
رنا:ان شاالله اقدر
جنى:اليوم بتنامون عندنا صح
رنا:انا وريان بس تركي ماادري عنه
تركي:لا انا برجع البيت بس بالليل
جنى:تعالي جنى معي فوق
رنا:يله
_تركي فهمها انها ماتبي تجلس معه بس هي ماكانت تقصد_
رقوا فوق جنى فتحت الدولاب تدور لبس لعزيمة بكرا
جنى:رنا وش رايك وش البس بكره
رنا بدون اهتمام:اي شي
جنى:وانتي وش بتلبسين
رنا:جبت معي تنوره قصيره سودا وبلوزه اسود واحمر
جنى:طيب تعالي ننزل
رنا:طيب
نزلوا تحت كان تركي وسعود وريان متحمسين مع المباراة
لدرجه انهم ماانتبهوا لجنى ورنا
جلسوا وراهم يضحكون على اشكالهم
جنى قامت بتجيب لها شيبس و لرنا
وهي تمشي فصلت التلفزيون
بدون ماتدري روعوها صرخ سعود وريان عليها
ريان:ياحيوانه
سعود:ماتشوفين
جنى عصبت:ماانتبهت
ريان:اشبكيه
جنى:على صراخكم هذا والله ما اشبكه
تركي التفت لسعود وريان:طيب ماصار شي
قام تركي وشبكه
ريان:مره ثانيه انتبهي
جنى:رنا قومي ماابي اجلس مع ناس همجيين ماعندهم اسلوب
رنا:هههههه لاتجمعين تركي مو معهم
جنى:اقول امشي بس
طلعوا البنات برا فالحديقه
وجنى معصبه
رنا:ههههههههه
جنى:وانتي وش تضحكين عليه
رنا:على شكلك وانتي معصبه
جنى:بايخه
رنا:مافيه شي يستاهل تصبين
جنى:وصراخهم علي مايستاهل
رنا:لا مايستاهل
خلصت المباراة
وجلسوا يسولفون
دخلوا البنات جو بيرقون فوق
سعود:جنى
ماردت عليه
سعود:زعلانه؟؟
ماردت عليه ورقت فوق
سعود:من جدها زعلت
ريان:ماعليك منها بكرا بترضى
سعود:بكيفى ليش تمر من عند الاسلاك
تركي:صدقت يوم قالت انكم همجيين
سعود:مافيه شي يستاهل الزعل
تركي:ليش تصارخ عليها ماكانت تدري لازم تراضيها
سعود:طيب بس مو الحين

على العشا جنى نست الموضوع
جت الساعه ١٢ كانوا البنات تحت بالصاله اما سعود وتركي فوق فغرفة تركي
رنا:جنى ابي انام
جنى:لا اليوم ابي اسهر
رنا:مو على كيفك ابي انام
جنى:ياالدجاجه انتي نامي انا ماابي باخذ فلم من سعود بشوفه وانتي نامي
رنا:بكيفك انا دايخه
رقوا فوق دخلت رنا الغرفه وجنى راحت لسعود
طقت الباب فتح لها
جنى:سعود عطني اجدد فلم عندك
سعود:عندي امريكي وهندي وش تبين
جنى:هندي
عطاها وراحت غرفتها لقت رنا فسابع نومه خذت الابتوب ونزلت فالحديقه بتشوف الفلم فيها
بدا الفلم طبعا شوي تضحك وشوي تصيح وشوي تتبسم

بغرفة سعود كانوا يشوفون فلم خلص الفلم
تركي شاف الساعه:اوووه ٢
سعود:وش فيها
تركي:خلاص بروح انام
سعود:ياخي نام عندنا وش فيها
تركي :مافيها شي بس بروح
سعود:على راحتك بس قبل ماتطلع طف النور وسكر الباب
تركي سوى اللي قال له
وهو طالع:مع السلام
نزل وهو فالدرج شاف نور الحديقه مولع راح بيطفيه بس وقف لانه شاف جنى جالسه وشكلها يجنن كان شعرها مفكوك ولابسه بجامه حمرا
قرر انه مايطلع الا وهو مكلمها طبعا هي ماأنتبهت له كانت متحمسه على نهاية الفلم
خلص سكرت اللابتوب ومسحت دموعها قامت بتروح وقبل ما تشيل اللابتوب شافت تركي واقف مبتسم
انصدمت:تركي؟؟
قرب منها تركي:جنى اجلسي ماراح اطلع من البيت الا وانا مكلمك
جنى:خلاص مو لازم تطلع من البيت
تركي:اتكلم جد انا
جنى:بروح انام
تركي:مافيه نوم لاتحاولين اليوم مستحيل يمر الا وانا مكلمك
جنى:تركي بليز لاتضغط علي
تركي:جنى ليش تتهربين
جنى سكتت
تركي:اجلسي
جنى جلست
جلس فالكرسي اللي جنبها
تركي:جنى ابي افهم كلامك لي فدبي ترى مانسيته
جنى:تركي ليش تبيني انا اللي افهمك ليش ماتفهم من نفسك
تركي:وش افهم انتي غامضه كيف افهمك
جنى:--------
تركي:فهميني
جنى:ليش تبي تفهم كلامي يهمك
تركي بنبرة حب :اكيد يهمني جنى انتي اكثر شي يهمني فالدنيا
جنى مستغربه:انااا
تركي بنفس نبرته الحنونه:ايه انتي جنى انتي ملكتيني

قامت جنى من عنده وهي مصدومه دخلت ورقت لغرفتها تركض انسدحت وهي مو مصدقه
اهمه؟؟؟ ملكته؟؟وشمعنى كلامه؟؟
اما تركي ارتاح لانه طلع اللي بقلبه وراح لبيتهم


يتبع

الجـــــــزء الــرابـــع

فيوم العزيمه كانت الساعه
٨ الليل العزيمه فبيت بو سعود
ام سعود تنادي جنى:جنى
جنى تنزل مع الدرج:نعم
ام سعود:جيبي جوالي من غرفتي اكلم عمتك تأخروا
جنى:بيجون بالطياره والا بالسياره
ام سعود:لا طياره بس ابي اشوف وينهم
جنى:طيب
راحت جابت الجوال
ام سعود:جنى ليش للحين مالبستي
جنى:كنت بلبس بس انتي ناديتيني
ام سعود:ورنا خلصت
جنى:الحين تلبس
دقت ام سعود على ام نواف
ام سعود:السلام عليكم
ام نواف:وعليكم السلام
ام سعود:وش اخبارك
ام نواف :بخير الله يسلمك انتي وش اخبارك
ام سعود:الحمد لله انتوا وينكم تأخرتوا
ام نواف:قريبين من بيتكم
ام سعود:خلاص اجل مع السلامه

بغرفة جنى
جنى لبست فستان ناعم يصلح لعزيمه صغيره توب و قصير يوصل لتحت الركبه لونه اسود
استشورت شعرها سوته ستريت
وحطت مكياج ناعم
اما رنا لبست تنوره قصيره سودا وبلوزه اسود مع احمر وسوت شعرها كيرلي
جنى:رنا وش رايك شكلي حلو
رنا:روعه ماشا الله وانا شوفي
جنى:انتي لو ماسويتي شي تجننين

شوي وفتحت عليهم الباب ساره
ساره:هااااي
جنى:بسم الله روعتيني
رنا:هاااايات
سلموا على بعض
نزلوا تحت سلموا على عمتهم
وجلسوا بالصاله ينتظرون لولوه
الساعه ٩ ونص جت لولوه سلمت عليهم وام سعود عرفتها عليهم
ام سعود:لولوه وين ولدك
لولوه:عند اخوي
ام سعود:ليش ماجبتيه نبي نشوفه
لولوه:ان شاالله المره الثانيه
جنى بصوت خفيف:رنا وش فيك
رنا :مدري احس اني مو متقبلتها
جنى:حرام عليك شكلها حبوبه
رنا:مع الايام ان شاالله اتقبلها
ام سعود:جنى روحي جيبي الشاهي
جنى:طيب
قامت راحت للمطبخ
دخلت لقت سعود
جنى:وش تسوي
سعود:اخذ الشاهي وبعدين مره ثانيه طلعي اي صوت قبل ماتدخلين روعتيني
جنى:تبيني اتنحنح
سعود:اي شي اهم شي ماتروعيني كذا
طلع من عندها
قالت للخدامه تجهز الشاهي عشان تاخذه جلست على الطاوله تتذكر كلام تركي لها
جا تركي للمطبخ وقف يتأمل الملاك اللي قدامه جنى ماانتبهت له كانت غارقه بافكارها
شوي حست ان فيه احد واقف التفتت ماتوقعت انه يكون تركي
قامت وراحت تبي تطلع بس تركي بسرعه راح لها ومسكها ولفها عليه حست بنار فوجهها صارت قريبه منه واللي زاد عليها انه ماسك يدها
تركي سكر باب المطبخ عشان ماتجي الخدامه وقفله اما هي تمنت الارض تنشق وتبلعها
خافت منه ماتدري وش بيسوي ليش قفل الباب صارت تحس بحراره
تركي:وش فيك خايفه؟؟؟
جنى بصوت خايف:ليش تقفل الباب
تركي: لاتخافين اناكنت جاي ابي خالتي شفتك و حبيت اقول لك شي من زمان ابي اقوله وهذي فرصتي
جنى خافت احد يجي والباب مقفل بعدين يشكون
جنى:ما ابي اسمع شي بس افتح الباب يا مجنون
تركي ابتسم:وماجنني الا انتي
جنى ساكته وعيونها فعيونه كانت خايفه مصدومه مو مستوعبه اللي يصير
تركي:بصراحه عمري ماشفت ولابشوف احلى منك
_جنى كل شوي تزيد صدمتها معقول هذا تركي_
قرب تركي فمه من اذنها وقال بهمس:احبك
راح عنها وخلها مذهوله مصدومه مااقدر اوصف حالها
ماصحاها من اللي هي فيه الا صوت الباب ينطق
فتحت الباب بسرعه وهي مرتبكه شافت الخدامه ارتاحت انه مو احد ثاني وينتبه لخوفها
جنى:اذا خلص الشاهي جيبيه
راحت جلست
ام سعود:جنى وين الشاهي
جنى:قلت للخدامه تجيبه
رنا:وش فيك
جنى:هاه مافيني شي ليش تسألين
رنا:شكلك يقول ان فيك شي
جنى:لا مافيني شي

خلصت العزيمه ورنا راحت مع لولوه للبيت
وما بقى الا ام نواف
ساره:يماه متى بنرجع
ام نواف:رحلتنا الساعه ٢ والحين ١٢ شوي ونمشي
_راحت ام نواف وعيالها_

اليوم الثاني المغرب
نزلت جنى ماشافت فالصاله الا امها
جنى:يماه وينهم
ام سعود:جود نايمه والباقي طالعين
جلست جنى
ام سعود:جنى حبيبتي تعالي اجلسي جنبي بكلمك
راحت جنى وجلست جنبها
ام سعود:جنى انتي الحين كبرتي وصرتي فسن الزواج
وامس عمتك خطبتك لنواف
_جنى كأن احد كب عليها مويه بارده_
ام سعود:ونواف بسم الله عليه رجال ماينرد قلت لابوك وقال لي اسألك انتي فكري وبعد يومين اكيد بيسألك ابوك
جنى:يماه توني على الزواج وبعدين انا ابي اكمل دراستي
ام سعود:نواف ماعنده مانع تكملين ولا تتخذين اي قرار الحين فكري زين

قامت جنى ورقت لغرفتها وهي حاطه فبالها مستحيل توافق لانها ماتحبه اللي تحبه وتموت عليه تركي حست انها صعبه ترفض على طول عشان ابوها اكيد بيسألها عن سبب رفضها بهالسرعه وعمتها اكيد بتزعل جلست على السرير تفكر فتركي امس معقول صدق يحبني طيب مابين عليه من قبل بس هذي فرصتي بشوف اذا هو يحبني صدق والا فهم من تصرفاتي معه اني احبه وحب يلعب خذت جوالها ودقت على رنا لانها متأكده انها بتقول لتركي ردت رنا
الووه
جنى:مسا الخير
رنا:مسا النور
جنى:كيف الحال
رنا:تمام انتي وش اخبارك
جنى:بخير وش اخبار خالتي لولوه
رنا:بخير بس تصدقين احس انها طيبه
جنى:انا قايله لك
رنا:بس لحظه ترى ماصار لها الا يوم يعني للحين ماعرفناها
جنى:المهم اسمعي بقولك شي
رنا:وشو
جنى:امس عمتي خطبتني لولدها
رنا:كذابه
جنى:والله امي توها قايله لي
رنا:وش قلتي
جنى:ماقلت شي امي قالت لي فكري
رنا:طيب انتي تبينه
جنى:مدري اقولك احس اني مصدومه مو فاهمه شي
رنا:ليش تنصدمي باين عليه انه يبيك انتي شايفه اخر مره كانوا فيه وحتى واحنا فدبي كان يحاول يحتك فيك
جنى:ايه بس ماتوقعت انه بيخطبني
رنا:اجل وش تبينه يسوي اذاكان يبيك اكيد بيخطبك
جنى:بصراحه هو رجال والنعم فيه مافيه شي يخليني ارفضه
بس انا خايفه
رنا:انتي استخيري وشوفي
جنى:ان شاالله خلاص رنا مااطول عليك
رنا:اوكيه باي
سكرت رنا ونزلت لقت خالتها لولوه جالسه فالصاله
رنا:مساالخير
لولوه:مسا النور
جلست رنا على الكنب
رنا:وين ابوي وتركي
لولوه:تركي طالع وابوك راح يجيب فهد من بيت اخوي
رنا:جهزتوا غرفته
لولوه:ايه اليوم الصباح ركبوها
سكتت رنا قامت لولوه وجلست جنب رنا
لولوه:رنا انتي متضايقه من وجودي
رنا:لا انتي شفتي مني شي يقول اني متضايقه
لولوه بحنان:رنا حبيبتي ابيك تعرفين اني ماجيت عشان اضايقكم وانا عاذرتك لو كنتي متضايقه هذا بيتكم واجي اشاركم فيه اكيد بتتضايقون
بس صدقيني انا من اول ماشفتك واناحبيتك واتمنى علاقتنا تكون حلوه اعتبريني خالتك اختك صديقتك اي شي اهم شي تكون علاقتنا حلوه
_رنا ارتاحت لماسمعت كلامها حست بفرحه كبيره واكتفت بابتسامه تدل على راحتها وفرحتها_
فتح الباب ابو تركي وهو شايل فهد قامت لولوه بسرعه وشالته
فهد:ماما ليش لحتي وحليتيني
لولوه:حبيبي لاتزعل مني مره ثانيه مااخليك
فهد:من هذا_يأشر على بو تركي_
بو تركي:انا بابا
قامت رنا له وخذته من لولوه
رنا:وانا اختك رنا
فهد:انتي اثمك رنا
رنا:ايه وعندك اخو اسمه تركي واخو ثاني اسمه ريان
_فرح بو تركي لانه كان باين على رنا انها تقبلت الوضع وحبته_
لولوه:نزليه لايتعبك
رنا:وش يتعبني خفيف
فهد:وين احوي ريان
رنا:بوديك لغرفته عشان تسلم عليه
فهد:بثرعه بثرعه ابي اشوف احوي الجديد
رنا:هههههه

الساعه١٢ جا تركي دخل
مسا الخير
الكل:مسا النور
رنا:ليش تأخرت
تركي:كنت مع سعود ليه
رنا:تعال معي ابيك تشوف شي
تركي:وين
رنا:فوق
رقوا راحت به لغرفة فهد
فتحت الباب
رنا:يوووه
تركي:وش فيك
رنا:نام
تركي:من اللي نام
رنا:فهود
تركي:من اللي جابه
رنا:ابوي
تركي مشى بيروح لغرفته لحقته رنا ودخلت معه
تركي:وش تبين لاحقتني هنا
رنا مبسوطه:عندي خبر
تركي وهو يجلس على السرير:وش عندك
رنا :من تتوقع اللي انخطب
تركي:مين بسرعه ترى مو فاضي لك
رنا:جنى
تركي انصدم:ايش؟؟؟
رنا:جنى خطبها نواف
زادت صدمت تركي:وشلون؟؟
رنا:خير وش وشلون خطبها مثل الناس
تركي يحس انه مومستوعب:رنا
تستهبلين
رنا:ليش استهبل
تركي:اطلعي برا
رنا:ليه
تركي عصب:اطلعي بنام
طلعت وهي مستغربه
سمعته يقفل الباب
تركي انصدم لا مستحيل شلون تنخطب ولا من مين من نواف
هذا من وين طلع لي ليش يخطبها بأي حق يروح يدور غيرها بس مستحيل اسكت بوقف فوجهه يا انا يا هو
خذ جواله ودق على جنى
_عند جنى كانت بغرفتها رن جوالها شافت المتصل تركي خافت اكيد قالت له رنا لا ماراح ارد ماردت دق عليها ٥ مرات ولا ردت
_عند تركي عصب ورمى الجوال على السرير ياالله وش اسوي
ادق على الحقير نواف خذ جواله بعدين رجعه مره خاف يسوي شي يندم عليه_

الصباح
لولوه:بو تركي يله قوم شف الساعه كم تأخرت على الشركه
قام ابو تركي وهو مبتسم
راحت لولوه لغرفة جنى طقتها
بعدين دخلت لقت جنى بسابع نومه ولعت الانوار وفتحت الشباك وطفت المكيف
رنا:يوووه لو ما تطلع والله لاوريك
لولوه:اذا صحيتي وريني بس قومي
فتحت عين وحده:اوه خالتي اسفه احسبك ريان
لولوه:عادي ماله داعي تتأسفين بس يله قومي تأخرتي على المدرسه
رنا:كلهم صحوا
لولوه:ايه الا تركي ابيك انتي تصحينه
رنا:وفهد
لولوه:لا فهد خليه نايم اذا صحى بينشب فيك عشان يروح معك
قامت رنا وصلت ولبست
طلعت من غرفتها وراحت لغرفة تركي فتحتها ولقته نايم
رنا:تركي
تركي:----
رنا:تروك تأخرت يله قوم
تركي:رنا اطلعي ماراح اداوم
رنا:قلت لابوي
تركي:انتي قولي له
استغربت جنى ماتعودت عليه كذا بالعاده يكون حريص على شغله
نزلت تحت جلست تفطر
بو تركي:وينه
رنا:ماراح يداوم
بو تركي:ليه
رنا:شكله تعبان قال لي اقول لك
بو تركي:خلاص اجل مع السلامه لولوه تبين شي للبيت
لولوه:ابي سلامتك

فالمدرسه
رنا:جنى وش فيك تأخرتي
جنى:صحيت متأخر
رنا بخبث:سهرانه تفكرين بنواف
جنى:اقول اسكتي
رنا:امس جا فهد
جنى:والله
رنا:يجنن فيه برائه وخفت دم مو فأحد
جنى:شفتي قايله لك بيعجبك الوضع
رنا:ايه والله معك حق
الاستاذه:رنا وجنى اسكتوا والا بطلعكم برا

فبيت بو تركي المغرب
كان تركي بغرفته يفكر وش يسوي
دخلت عليه رنا:تروك تعال انزل
تركي:مالي نفس
رنا:تركي وش فيك
تركي:مافيني شي
رنا:شكلك مو على بعضك
تركي:مافيني شي يارنا خلاص
رنا:تبي تاكل شي
تركي :لا
رنا:مو صاحي
تركي:رنا وش صار على موضوع جنى
رنا:ماصار شي
تركي:وش رايها
رنا:تقول ان نواف رجال والنعم فيه ومافيه شي ترفضه عشانه
تركي مصدوم:وافقت
رنا:لا بس بتفكر
قام تركي خذ مفاتيحه وجواله وطلع من الغرفه
زادت حيرة رنا وش فيه مو صاحي
ركب سيارته وراح يدور فالشوارع مايدري وين يروح خايف توافق على نواف
رجع البيت الساعه ١ الليل
على طول ناااام لانه كان تعبان
من كثر مايسهر

اليوم الثاني لولوه عزمت ام سعود على العشا
كانت الساعه ٨ الليل
دقت رنا على جنى
الووه
رنا:مسا الخير
جنى:مسا النور هلا والله
رنا:هلافيك جنى بدون مقدمات
جيبي معك ملابسك وشنطت المدرسه لأنك بتنامين عندنا
جنى:لا انتي اللي تعالي
رنا:ليش ماتجين انتي عشان تشوفين فهود ولو قلتي لا والله لأزعل سبوع كامل
جنى:خليها سبوعين احسن
رنا:اوكيه باااي
جنى:لحظه لحظه
رنا:وش تبين بتخلينها شهر
جنى:لا خلاص ما اقدر على زعلك بجي يله باي بروح اجهز
رنا:باي
راحو لبيت بو تركي
كانت جنى لابسه بنطلون جنز
وبلوزه لونها فيروزي وشعرها مستشورته عادي
وصلوا جلسوا سوالف وضحك كانت لولوه عسل توسع الصدر
جت الساعه ١٢ راحوا ام سعود وجود اما جنى جلست
كانت جالسه فالصاله هي وفهد
اما رنا رقت تغير ملابسها
فهد:انتي احتي؟
جنى شالته وحطته على رجلها:لا حبيبي انا بنت عمك
فهد :ثوفي هذا احوي تركي
جنى التفتت شافت تركي واقف ويناظرها انصدمت ما تدري شلون جا
كان باين على وجهه انه تعبان
تركي:وش اخبارك
جنى:بخير انت كيفك
تركي يتنهد:زفت
سكتت جنى فهمت قصده
جت لولوه:فهد انت هنا وانا ادورك تعال عشان تنام
فهد :لا ماما ماابي حليني ثوي
لولوه:لا مافيه تعال والا ترى جنى تزعل من اللي ما ينامون
فهد :طيب حليها تجي معي تقول لي قصه
جنى:بس كذا من عيوني_جنى فرحت عشان تروح عن تركي_
رقت فوق وتركي رقى وراها دخل غرفته وخبط بالباب بقوه
عرفت جنى انه عصب
ولولوه راحت تنام
جنى:يله وش تبي اي قصه
فهد:اي شي
قالت له قصه ونام غطته زين وطفت النور وسكرت الباب
راحت لغرفة رنا
دخلت لقتها فسابع نومه
جنى:ليش نمتي
رنا:_ _ _
جنى تهزها:رنا ليش نمتي تناديني وتنامين
رنا فتحت عينها:جنى خليني بنام بكرا مدرسه
جنى:طيب اوريك وين اغراضي
رنا:تحت
جنى:وبعد مارقيتيها طيب ياالدبه
طلعت من الغرفه نزلت تحت كان البيت ظلام مافيه الا نور بسيط جنى تمشي بحذر عشان ماتطيح خذت شنطتها ولفت بترقى خبطت فشي شهقت لما شافت هالشي لانه تركي
جنى:ا اسفه
تركي:انا اللي اسف
وخرت جنى عنه عشان ترقى مسك يدها تركي:جنى تعالي ابي اكلمك
جنى:بكرا كلمني
تركي:بس انا ابي اكلمك الحين
مسكها ومشى بها دخلها المجلس وسكر الباب
جنى شوي تموت خوف الساعه ٢ الليل وش يبي صارت يدها ترتجف وهو للحين ماسكها
جنى بصوت ماينسمع من الخوف:تركي افتح الباب بطلع انا ما ابي اسمع منك شي الحين بكرا كلمني
تركي:جنى لا تخافين تطمني انا عارف وش تفكرين فيه بس ابيك تعرفين اني اخاف عليك اكثر من نفسي انا حبيت اكلمك وانتي ماتردين على مكالماتي
جنى:_ _ _ _
تركي:جنى صدق نواف خطبك
جنى هزت راسها
تركي:وانتي موافقه؟
جنى سكتت
تركي:جنى ردي وافقتي
جنى ساكته
تركي:وانا؟ جنى انا احبك ومستحيل اخليك له الا اذا انتي تبينه وتحبينه ماراح اجبرك علي
_جنى عيونها فعيونه ومليانه دموع
تركي:جنى انا اكلمك ردي علي
_جنى تأكدت انه يحبها باين فعيونه
تركي:افهم من سكوتك انك موافقه عليه
جنى:لا تركي انا_ _ _
تركي:انتي ايش
جنى وعيونها فعيونه:انا ا احبك
_تركي مو مستوعب اللي سمعه
تركي:وش قلتي
جنى:انا احبك هذا الشي اللي كنت اقول لك انك مستحيل تفهمه
تركي:جنى انتي تحبيني مو مصدق
_ابتسمت جنى ودفته لانه كان قريب منها وجت بتطلع
تركي:جنى
التفتت عليه
تركي:تصبحين على خير
جنى:وانت من اهله
راحت عنه رقت غيرت ملابسها لبست بجامه وانسدحت جنب رنا والدنيا مو سايعتها فرحانه لانها اعترفت لتركي بحبها له
_الصباح_
دخلت لولوه تصحي البنات لقت جنى صاحيه ولابسه ورنا فالحمام
لولوه:صباح الخير
جنى:صباح النور
لولوه:ماشاالله خلصتي بسرعه
جنى:ايه احس بنشاط مو طبيعي
لولوه:يله تعالي افطري
جنى:طيب
راحت لولوه غرفة ريان
وجنى نزلت تحت وجلست تفطر
وهي مبسوطه
جا تركي من وراها حتى هو كان فرحان
تركي:صباح الورد
التفتت جنى:صباح النور
سحب كرسي وجلس جنبها
تركي:جنى ماتصدقين قد ايش انا فرحان ماجاني النوم كنت افكر بكلمتك امس
_جنى ابتسمت له_
تركي:الله لايحرمني منك
_جنى تحس بحراره بوجهها_
جنى:تركي خلاص لا يجي احد ويسمعك
تركي:وش فيها احبك مو عيب ولاحرام
دخلت رنا:صباح الخير
جنى وتركي:صباح النور
رنا:اوووف ماشبعت نوم
جنى:هذا وانتي نايمه قبلي
رنا:متى نمتي
جنى:يمكن ٢ونص
رنا:اووف وش تسوين
جنى ناظرت تركي اللي مبتسم
جنى:كنت اشوف فلم فالتلفزيون
تركي:حلو الفلم؟
جنى فهمت عليه:ايه قصته حلوه

فالمدرسه
نهاية الدوام
جنى:رنا باي نادى علي
رنا:ليش ماترجعين معي
جنى:لا خلاص برجع
رنا:طيب انا بوصلك
جنى:نادى علي خلاص
رنا:اوكيه باي

رجعت جنى البيت رقت لغرفتها
غيرت ملابسها وهي تفكر وش تقول عشان ترفض نواف
نزلت تتغدى وعلى الغدا
ام سعود:جنى ترى عمتك امس كلمتني تبي تعرف ردك
جنى:مو موافقه
ابو سعود:ليش يابنتي نواف وش فيه
جنى:مافيه شي بس انا اعتبره اخوي
ام سعود:وش ذا العذر
جنى قامت:حتى لو مو مقنع انا ما ابيه تبون تغصبوني
ابو سعود:لا حبيبتي ماراح نجبرك على شي ماتبينه بنكلمهم ونقول لهم انك مو موافقه
جنى ابتسمت ورقت لغرفتها

بعد المغرب
صحت جنى ونزلت مالقت احد بالبيت
سألت الخدامه
وين مدام
الخدامه:مدام روح سوبر ماركت مع جود
جنى:اوكيه خلاص
راحت وجلست فتحت التلفزيون
تذكرت انها ماقالت لرنا عن ردها
دقت ورد عليها تركي
جنى:السلام عليكم
تركي ابتسم:وعليكم السلام
جنى:كيفك تركي
تركي:بخير من سمعت صوتك
انتي وش اخبارك
جنى:تمام رنا عندك
تركي:يعني انتي متصله تبين رنا
جنى:ايه يعني مين
تركي:انا مثلا
جنى:تركي عطني رنا
تركي:من عيوني
جنى سكتت ماردت عليه
وتركي ضحك بعدين راح ينادي رنا
رنا:الوو
جنى:بدري
رنا:خير وش بدري
جنى:من زمان وانا انتظرك
رنا:تركي تو الحين مناديني المهم اخبارك
جنى:تمام وانتي
رنا:الحمد لله الا وش صار على نواف
جنى:وهذا اللي انا داقه عليك عشانه
رنا:رديتي عليهم
جنى:عندك احد؟
رنا:تركي بس
جنى:طيب جنى روحي عنه
رنا:ليه
جنى:بدون ليه روحي بس
_قامت رنا بعدت عنه استغرب تركي
رنا:هاه رحت بس ليش
جنى:رنا طلبتك تكفين انا بسوي شي بس ابيك تساعديني
رنا:اساعدك فأيش
جنى:قصري صوتك لايسمع احد
رنا:الحمد لله وش فيك
جنى:شوفي انا رفضت نواف
رنا:والله
جنى:ايه بس ابيك الحين اذا سألك احد تقولين اني وافقت
رنا:احد مثل مين
جنى:اي احد مثلا تركي
رنا:ليه
جنى:بس شوي وانا بقولك متى نقول اني رافضه
_رنا شكت فالوضع
رنا:طيب وش تبيني اسوي
جنى:ارجعي مكانك عند تركي
بعدين سوي نفسك متفاجأه وفرحانه وباركي لي لاني وافقت
رنا:بسوي اللي قلتي بس بشرط
جنى:وش شرطك
رنا:تقولين لي ليه
جنى:ممم طيب بس مو الحين
_رنا راحت وجلست مكانها الاول
رنا وكأنها متفاجأه:كذااابه
التفت تركي عليها
رنا:الف الف الف مبروك
جنى:هههههه زيدي بعد
رنا:ومتى الملكه
تركي نغزه قلبه
جنى:اووف وصلتي للملكه
رنا انتبهي لايسمعك عمي لان هالكذبه ماراح تمشي عليه
رنا:ياحليلك بس تصدقين لايقين على بعض
تركي صار دمه يفور
رنا:جنى و نواف من كان يتوقع
تركي :رنا
رنا:لحظه جنى...نعم
تركي:انتي وش قاعده تقولين
رنا:اصبر لين اخلص بعدين اقول لك
تركي صار يهز رجوله من القلق معقوله توافق شلون وحبها لي
رنا:ايوه جنى كملي
جنى:احس انك زودتي شوي خلاص باي ودقي علي قولي لي وش صار
رنا:اوكيه باي
سكرت من جنى
رنا:تركي جنى ردت على عمتي
خلاص وافقت
تركي مصدوم:هاه
رنا:ياحليلها تخيلتها فالكوشه والا وهي حامل
تركي قام معصب :اي حامل وكوشه تستهبل هي
رنا خافت:لا ماتستهبل وش فيها اذا تزوجت
تركي معصب واسنانه مشدوده:هي اللي قالت
رنا:ايه
_رقى بسرعه دخل غرفته وخبط بالباب_
رنا زاد شكها اكيد تركي يحب جنى وتبي تشوف ردة فعله
_عند تركي مو مصدق شلون توافق وتتزوج نواف وين كلامها لي ووين حبها معقوله كانت تكذب
خذ جواله بسرعه ودق على جنى بس ماردت دق مره ثانه
يرن ويرن ويرن واخيرا وصله صوتها
جنى خايفه:الووو
تركي معصب:هلا والله بالعروس مبروك
_جنى ساكته
تركي:ليش كذبتي علي وقلتي انك تحبيني ليش
_جنى خافت
تركي عصب زياده:جنى انا اكلمك ما اكلم نفسي
جنى:تركي انا اسفه
تركي:تتأسفين لانك لعبتي بمشاعري
جنى:لحظه تركي انا ما وافقت
تركي:ناويه تكملين لعب
جنى:تركي اسمعني
تركي:تعبتيني معك يابنت عمي
جنى :تركي اسفه والله اسفه كان مقلب
تركي مصدوم:مقلب؟؟ تقولين لي احبك بعدين تقولين مقلب
جنى:لااااا المقلب اللي صار تو انا رفضت نواف وقلت اني وافقت عشان اشوف ردت فعلك بس
تركي:_ _ _ _ _
جنى:اسفه لاتزعل مني
تركي:_ _ _ _ _ _
جنى:تركي
تركي:_ _ _ _
جنى:تركي لاتسفهني رد علي
تركي:جنى تستهبلين
جنى:ياالله تركي كنت امزح خلاص
تركي:هذا مو مزح
جنى:زعلت؟؟
تركي:ايه زعلت اذا يهمك
جنى:ااااسفه والله اسفه
_تركي حب يستغل الفرصه
تركي:انا ما ترضيني كلمت اسفه
لحالها زيدي عليها
جنى:وش ازيد عليها
تركي:كلمه حلوه
جنى:تركي لا ماراح اقول شي اسفه تكفي واذا ماتبي بكيفك
تركي:اوكيه خلاص باي
جنى:باي
تركي:جنى ترى جد اتكلم والله لازعل
جنى:وش اسوي يعني قلت اسفه وانت مارضيت
تركي:قولي اسفه حبيبي
جنى:_ _ _ _
تركي:قولي
جنى ووجهها اجمر:اسفه حبيبي
تركي مبتسم:يابعد هالدنيا انتي
انا ما اقدر ازعل عليك
جنى:رضيت؟
تركي:شلون ماارضى عليك
جنى:تركي ترى طولناها المفروض ماارد عليك ولا تكلمني
تركي:ليه
جنى:وليه تكلمني
تركي:لأني احبك
جنى انحرجت:تركي خلاص مع السلامه سكرت فوجهه وهي ميته من الاحراج اما تركي كان مبسوط

_بالشرقيه_
ام نواف توها مسكره من ام سعود ماتدري وش تقول لولدها
شوي دخل نواف:السلام عليكم
ام نواف:وعليكم السلام
جلس على الكنبه
ام نواف:نواف بقول لك شي
نواف:قولي
ام نواف:انا قبل ماتدخل كنت اكلم ام سعود
_تعدل نواف فجلسته:وش قالوا
ام نواف:ياولدي الزواج قسمه ونصيب واللي كاتبه الله هو اللي بيصير ياولدي جنى ماوافقت
نواف مصدوم:ليش
ام نواف:ماعليك ياوليدي انا بدور لك احسن منها
نواف:انا اقول ليش رفضت
ام نواف:تقول امها انها ما تفكر فالزواج وانها تعدك مثل اخوها سعود
نواف سكت بعدين قام عنها وهو ماكان حاط فباله ١ بالميه ان جنى ترفض هو ماكان يحبها بس كانت تعجبه كل المواصفات اللي يبيها فيها
ام نواف قامت لغرفة ساره
دخلت
ام نواف:ساره وش تسوين
ساره:اقرى المجله
ام نواف جلست على السرير
ام نواف:مرة عمك دقت اليوم
ساره:وش قالوا
ام نواف:جنى رفضت
ساره:ليش؟؟؟؟
ام نواف:تقول انها ماتفكر فالزواج الحين وانها تعتبر نواف اخوها
ساره:وشذا العذر
ام نواف:مدري والله بس مهما صار ما ابي اللي بيننا وبينهم يتغير والزواج قسمه ونصيب
ساره:قلتي لنواف
ام نواف:ايه
ساره:وش قال
ام نواف:ماقال شي سأل عن السبب وطلع

فبيت بو سعود
سعود كان يفكر برنا اللي من يوم ما اعترف لها بحبه وهي مختفيه خاف انه تسرع يوم قال لها خاف انها ماتبادله نفس الشعور بس ياالله كيف بعرف جا فباله انه يكلمها بعدين على طول استبعد الفكره من باله وش بتقول عني بس مالي الا هالطريقه
خذ جواله ودق على رنا
الووو
سعود:مسا الخير
رنا:مسا النور
سعود:وش اخبارك
رنا:الحمد لله بخير انت كيفك
سعود:تمام انتي وينك ليش مختفيه
رنا:انااا؟؟
سعود:ايه انتي
رنا:تعرف مشغوله بالدراسه
سعود:الله يوفقك
رنا :وياك
_لحظة صمت_
سعود بتردد:رنا بسألك سؤال
رنا:اسأل
سكت شوي بعدي قال سعود:انتي تحبيني؟ ؟ ؟ ؟ ؟
رنا صار وجهها الوان:_ _ _ _
سعود:رنا جاوبيني ابي ارتاح
رنا:سعود انا مشغوله خالتي تناديني
سعود:كنت حاس انك بتتهربين بس وين بتروحين انا وراك لين اعرف جوابك
رنا:سعود انت فاهم غلط انا ما اتهرب بس مشغوله
سعود:اوكيه تبين شي
رنا:سلامتك
سعود:الله يسلمك
سكرت منه وهي مصدومه ودقات قلبها سريعه
اما هو زاد احباطه لين متى وهي محيرتني معها


بعد اسبوع اتفقوا انهم يروحون للمزرعه من الاربعاء لين الجمعه
يوم الثلاثاء فالليل
دقت جنى على رنا
الووو
جنى:السلام عليكم
رنا:وعليكم السلام هلا والله
جنى:هلافيك كيفك
رنا:بخير انتي وش اخبارك
جنى:تمام هاه جهزتي اغراضك للمزرعه
رنا:ايه مره متحمسه من زمان مارحنا لها
جنى:ايه والله انبسط فيها
رنا:طبعا بكرا بتغيبين
جنى:اكيد بنروح من الصباح
رنا:لو تشوفين فهد متحمس فرحان
جنى:هههههه ياحليله هذا وهو ماشافها
رنا:يقول يبي يروح لها بس عشان الخيول
جنى:ههههههه على باله يعني بيعرف
رنا:مدري عنه يله عاد انقلعي نامي عشان ماتأخريننا بكرا
جنى:انتي اللي انقلعي باي
سكروا وناموا
الصباح الساعه تسع
كلهم جاهزين
جود:جنى يله ركبنا
جنى تنزل مع الدرج:يله جيت
ركبوا ومشوا
وصلوا المزرعه سلموا على بعض
لولوه:اقول ياام سعود وين المسبح
ام سعود:ورا الفله بس لاتخافين مسكر مايقدر فهد يدخل
لولو:ايه احسن عشان ارتاح
جنى:رنا تعالي نتمشى
رنا:يله شكل المزرعه متغيره شكلهم مجددين فيها اشاء
قاموا يتمشون كانت رنا لابسه بنطلون جنز وتيشرت اصفر
وجنى برمودا وتيشرت احمر
جنى:الله من جد روعه تغيرت كثير
رنا:تعالي نشوف الخيول
راحوا عند الخيول شوي دق جوال جنى شافت المتصل تركي
وماردت رجع يدق مره ثانيه ولاردت
رنا:وش فيك ردي
جنى:هاه لا ماابي رقم غريب
رنا:طيب تعالي نروح للمسبح
راحوا شافوا ريان وتركي وسعود عند المسبح رنا راحت من ورا تركي ودفته فالمسبح
تركي مرتاع:ياالمجنونه
رنا:هههههههه
جنى:هههههههههه
تركي التفتت لجنى:وانتي ليش تضحكين
جنى وهي تضحك :على شكلك
رنا راحت ورا سعود ودفته فالمسبح
سعود:لا لا لا رنا تكفين
رنا:هههه رحمت اخوي قلت لازم تصيرمعه
تركي:طيب ياحيوانه لو كان جوالي ومحفظتي معي
رنا:لا شفتهم على الكرسي
سعود:طيب مردوده والله ماأخليك واعرف كيف اردها لك
رنا بغرور:اعلى مافخيلك اركبه
سعود:طيب بتشوفين
ريان:وين جود
جنى:داخل الفله
ريان:بروح لها انتوا تطفشون
رنا:احد حلف عليك تجلس معنا
سفهها ريان وراح لجود
اماتركي وسعود طلعوا وراحوا يغيرون ملابسهم
_بعد العشاء_
كانوا الشباب يلعبون كوره
والبنات يتفرجون عليهم
تركي:خلاص تعبت
سعود:تعبت والا ماقدرت علي
تركي:لاجد تعبت خلاص وبعدين انت همجي شف كم مره طيحتني
ريان:حتى انا كم مره طيحني
جود:خلصتوا؟
تركي:ايه
جود:تعالوا نركب الخيول
جنى:ايه والله ودي اركب
رنا:انا بروح اجيب فهد هو قايل انه وده يركب الخيل

راحوا عند الخيول جابت رنا فهد
رنا:فهود هذي الخيول
فهد:الله بقول لبابا يركبها معنا فالثياره ونوديها البيت
تركي:ههههههههههه اقول تعال نطلع لك واحد صغير
فهد:فيه ثغير
تركي:ايه فيه
بعد ماخلصوا رجعوا للفله كانت الساعه ١٢
جنى :رنا تعالي ننام عشان نصحى بدري احلى وقت فالمزرعه الصباح
رنا:مافيني نوم
جنى:مو بكيفك تعالي
راحو لغرفتهم
_كان فيه غرفه لتركي وسعود وريان وغرفه لرنا وجنى وجود وغرفه لام سعود ولولوه وغرفه لابو سعود وابو تركي_
فغرفة البنات
رنا :جنى وين جوالي
جنى:مدري
رنا:يوووه شكلي نسيته عند الخيول
جنى:روحي جيبيه
رنا:اخاف لحالي
جنى:لاتلمحين ماراح اجي معك
رنا:يانذله بروح لحالي مابيك
طلعت وهي طالعه قابلها تركي رايح لغرفتهم
تركي:مانمتوا
رنا:جيت بنام وتذكرت اني ناسيه جوالي عند الخيول
_تركي راح ودخل الغرفه
رنا نزلت شافت ريان وجود يسولفون رنا:ماراح تنامون
جود:الا بس مو الحين
طلعت برا الفله بنفس الوقت كان سعود يطل من البلكونه شافها طالعه لحالها
سعود التفت لتركي :بروح اقفل سيارتي شكلي ماقفلتها
تركي:طيب سكر الباب وراك
_نزل سعود بسرعه وطلع برا الفله شاف رنا رايحه للخيول راح لها بسرعه
سمعت شي وراها خافت التفتت رنا:بسم الله روعتني
سعود:هههههه هذا جزء من اللي سويتي فيني اليوم عند المسبح
رنا:جزء ؟؟؟
سعود وهو يقرب منها:ايه جزء انا ماقلت لك بردها لك والحين بردها
رنا:سعود انا بروح انام
سعود مسكها بيدها وجلسها على كرسي خشب وجلس جنبها
سعود:انا مره سألتك سؤال وتهربتي والحين والله ماتتحركين من هنا الا مجاوبتني
رنا:لاتحلف وبعدين انا مااتذكر اي سؤال
سعود:اذا كنتي نسيتي اذكرك
رنا انحرجت لانها عارفه سؤاله
رنا:سعود اسألني بكرا
سعود:انا حلفت انك ماتتحركين من هنا الا مجاوبتني لو نجلس لين الفجر ماعندي مانع
رنا :سعود فيني النوم حرام عليك
سعود ابتسم:نامي هنا
رنا:سعود تكفى ابي اروح
سعود:بس للحين ماجاوبتيني
رنا:اجاوبك على ايش خلني اروح انام وبكرا اجاوبك
سعود:رنا انتي تحبيني؟؟؟
رنا صارت تحس بحراره ووجهها احمر
سعود:رنا تكفين لاتسكتين ريحيني
رنا:_ _ _ _ _
سعود:رنا ريحيني انا تعبان
رنا وعيونها فعيونه:سعود انا احبك
سعود الدنيا مو سايعته من سمع هالكلمه:رنا عيديها
رنا ميته من الاحراج:سعود خلاص
سعود:لا ماخلصنا ابيك تعيدينها
رنا:ماراح اعيد شي
قامت بسرعه بتروح سعود قام ومسكها ولف بجسمها عليه
صارت مره قريبه منه
سعود بنبرة حب:رنا طلبتك عيديها
رنا باحراج:ا احبك
سعود:والله مو مصدق نفسي
رنا دفته ووخرت عنه راحت للفله
اما سعود جا بيروح شاف جوالها
خذه ولحقها سمعته يناديها وقفت سعود:نسيتي جوالك
خذته منه وهي مبتسمه
سعود:تصبحين على خير
رنا بنعومه:وانت من اهله

اما تركي من اول ماطلع من عنده سعود وتذكر ان رنا طالعه من الغرفه وجود تحت يعني جنى لحالها بالغرفه
قام من سريره وراح للغرفه فتحها بهدوء شافها لابسه بجامه لونها ابيض وبلوزتها كت كان شعرها مفكوك وجالسه على السرير وماسكه جوالها
دخل عليها اول ماشافته ارتبكت
دخل وجلس جنبها بالضبط وهي مره منحرجه لانه جنبها وعلى سرير ولحالهم
جنى:تركي خير وش تبي وبعدين رح اجلس على سرير اختك
تركي:افااا ماتبيني
جنى:تركي بليز وخر عني لو احد يدخل وش بيقول
_تركي بعد عنها بس ماقام من السرير صار مقابلها
جنى:مو بس كذا وبعدين وش تبي
تركي:جيت ابي اقول انك وحشتيني
جنى ابتسمت:وحشتك وانا معك اليوم كله
تركي:انا اشتاق لك حتى وانا جنبك
جنى:_ _ _ _ _
تركي:جنى
جنى رفعت عينها فعيه
تركي:انا قررت اخطبك من عمي لاني خلاص ابيك معي على طول
جنى حست وجهها مولع نار
وتحس ان يدها ترتجف
تركي:تدرين شكلك حلو وانتي مستحيه
جنى:تركي
تركي:عيونه
جنى:بليز طلبتك اطلع لانه لو جت رنا بتنشب فيني لين اقول لها كل شي
تركي:ان شاالله
_قام بيطلع فتح الباب لقى رنا فوجهه
رنا:وش عندك
جنى من سمعت صوتها وهي ارتبكت اما تركي عادي
تركي:جيت ادورك
رنا:وش تبي
تركي:ايه ابي اسألك اذا معك شاحن
رنا:لا مع ريان
تركي:طيب خلاص
دخلت رنا وهي مبسووطه وتفكر بسعود وهذا اللي خلاها ماتلاحظ ارتباك جنى
ناموا البنات والشباب وكل واحد غارق باحلامه