بضمك لين تصبح على خير

بضمك لين تصبح على خير




افتح شبابيك الهوى جيتك اليوم.... بحساس من زود الوله عده ايطير


جيتك مثل طفلن له ايام محروم.... عـن حـضـن امه بـعـدتـه المقاديـر


وجيتك مثل عودن له ايام مهموم..... وده يلاقي باخـر الوقت تـقـديـر


متى تحس ان الهوى شي مقسوم.... من قسمة الخالق على خلقه يصير


ومتى تحس اني لك اطيح واقوم.... واتعب على شانك واقـدرك وآغـيـر


لي في هواك احلام وامال وعلوم.... واحزاب واصحاب وقصيد وجماهير



وهموم وافكار وهواجيس وحلوم.... وادروب واخطار وعذاب ومشاوير


وحب وغلا واخلاص ومعاند ولوم..... واحساس واللهام وشعور وتفاكير


وصحبة سهر ومقاطعة لذة النوم.... واشــواق جــيـاشـه وعـشـق وتعابير


في ذمتك مابان لك شي مكتوم..... مـن بعد ماصـورت الاوضاع تصوير


لاتحسب انك شي عابر ومعدوم..... وتاريخ حبك فاق كل الاساطير


كني لقيتك بأغنيه لأم كلثوم.... وكني قريتك في رواية شكسبير


في كل شي اتخيلك واسمعك دوم.... واتأملك في الوقت الأول ولآخير

من ماضي الأيام لايومك اليوم.... وغلاك عندي ماحصل فيه تغيير

وانا لك الله مأقبل البيع والسوم.... ولا ارضى علي ولاعليك المخاسير


لاْني الوحيد اللي على بحرك يعوم.... واللي عرف مرساه في رحلة السير


لحظه حبيبي قبل يسبقني النوم.... بحلم بطيفك لين تصبح على خير



.. منقوله ..